93 UYehova nguKumkani!+
Wambethe ubukhulu;
UYehova wambethe amandla;
Uwabhinqe njengebhanti.
Uwumise wazinza umhlaba;
Awunakushukunyiswa.
2 Itrone yakho yazinziswa kwakudala;+
Ubusoloko ukho ukususela ngonaphakade.+
3 Imilambo iyalwa Yehova,
Imilambo iyalwa yaye iyagquma;
Imilambo ilwa ngamandla yaye iyadlokova.
4 UYehova mkhulu kwiindawo eziphakamileyo,
Ngaphezu kwesandi samanzi amaninzi,+
Unamandla ngaphezu kwamaza alephuzayo olwandle.+
5 Izikhumbuzo zakho zinokuthenjwa.+
Owu Yehova, indlu yakho ihlala+ ihonjiswe ngobungcwele.