IiNdumiso

Kumalathisi. Ingoma emnandi kaDavide.

20 Kwanga uYehova angakuphendula xa usentlungwini.

Kwanga igama loThixo kaYakobi lingakukhusela.+

2 Kwanga angakuthumelela uncedo luvela kwindawo engcwele+

Aze akuxhase eseZiyon.+

3 Kwanga angayikhumbula yonke iminikelo yakho esisipho;

Kwanga angayamkela* iminikelo yakho etshiswayo. (Selah)

4 Kwanga angakunika loo nto ifunwa yintliziyo yakho,+

Awenze aphumelele onke amacebo akho.

5 Siza kukhwaza ngovuyo ngenxa yosindiso lwakho;+

Siza kuphakamisa iiflegi zethu egameni loThixo wethu.+

Kwanga uYehova angazenza zonke izinto ozicelayo.

6 Ngoku ndiyazi ukuba uYehova uyamsindisa othanjisiweyo wakhe.+

Umphendula ekumazulu akhe angcwele,

Amsindise* ngesandla sakhe sasekunene esomeleleyo.+

7 Abanye bathembele ngeenqwelo, abanye ngamahashe,+

Kodwa thina sithandaza egameni likaYehova uThixo wethu.+

8 Baye bawa bhuma phantsi,

Kodwa thina siye saphakama sema nkqo.+

9 Owu yhini Yehova, msindise ukumkani!+

Uza kusiphendula ngemini esicela ngayo uncedo.+