Eyesibini YooKumkani
12 Ngonyaka wesixhenxe kaYehu,+ uYehowashe+ waba ngukumkani, waza walawula iminyaka eyi-40 eYerusalem. Igama likamama wakhe yayinguTsibhiya waseBher-shebha.+ 2 UYehowashe waqhubeka esenza izinto ezilungileyo emehlweni kaYehova ngalo lonke ixesha awayefundiswa ngalo nguYehoyada umbingeleli. 3 Kodwa zona iindawo eziphakamileyo+ azizange zichithwe, yaye abantu babesabingelela beqhumisa nemibingelelo kwiindawo eziphakamileyo.
4 UYehowashe wathi kubabingeleli: “Qokelelani yonke imali yeminikelo engcwele eziswa endlini kaYehova,+ imali alinganiselwe ukuba anikele ngayo mntu ngamnye,+ imali eqikelelwayo yexabiso lomntu, nayo yonke imali mntu ngamnye aqhutywa yintliziyo yakhe ukuba ayizise endlini kaYehova.+ 5 Ababingeleli mabayithathe ngokwabo kwabo banikelayo,* baze bayisebenzisele ukulungisa nayiphi na indawo efuna ukulungiswa* kule ndlu.”+
6 Kwade kwangonyaka we-23 kaKumkani uYehowashe, ababingeleli bengekawulungisi umonakalo okule ndlu.+ 7 Ngoko uKumkani uYehowashe wabiza uYehoyada+ umbingeleli nabanye ababingeleli, wathi kubo: “Kutheni ningawulungisi nje umonakalo okule ndlu? Ningaphinde nithathe mali kwabo banikelayo, ngaphandle kokuba niza kuyisebenzisela ukulungisa le ndlu.”+ 8 Ababingeleli bavuma ukuba baza kuyeka ukuthatha imali ebantwini, baze bangajongani nokulungisa le ndlu.
9 UYehoyada umbingeleli wathatha ibhokisi,+ wayigqobhoza ngaphezulu, wayibeka ecaleni kwesibingelelo ngasekunene xa umntu engena endlini kaYehova. Ababingeleli abangoonogada basemnyango babeyifaka kuyo yonke imali eyayiziswa endlini kaYehova.+ 10 Babesithi bakubona ukuba kukho imali eninzi kuloo bhokisi, unobhala kakumkani nombingeleli omkhulu beze, bayiqokelele* baze bayibale loo mali yayiziswe endlini kaYehova.+ 11 Babeyinika abo babephethe kumsebenzi owawusenziwa endlini kaYehova. Bona ke babebhatala abachweli, abakhi ababesebenza endlini kaYehova,+ 12 abo babesakha ngamatye nabo babewasika. Bathenga amaplanga namatye okulungisa umonakalo endlini kaYehova, baza babhatala ngaloo mali zonke iindleko zokulungisa loo ndlu.
13 Kodwa le mali yayiziswe endlini kaYehova ayizange isetyenziselwe ukwenza izitya zesilivere, izicima-mlilo, izitya ezimgobongqo, amaxilongo,+ okanye naluphi na uhlobo lwempahla yegolide neyesilivere endlini kaYehova.+ 14 Babeyinika abasebenzi kuphela, baze bona balungise indlu kaYehova ngayo. 15 Babengabuzi zinto zininzi kumadoda ababeyinika wona imali ukuba ayinike abasebenzi, kuba babewathemba.+ 16 Ke yona imali yeminikelo yetyala nemali yeminikelo yesono+ yayingaziswa endlini kaYehova; yayiyeyababingeleli.+
17 Ngeli thuba ke, uHazayeli+ ukumkani waseSiriya wenyuka waya kulwa neGati,+ waza wayithimba; emva koko wagqiba ekubeni ahlasele iYerusalem.+ 18 Ngoko uKumkani uYehowashe wakwaYuda wathatha yonke iminikelo engcwele, leyo babeyingcwalisile ookhokho bakhe uYehoshafati, uYehoram noAhaziya, ookumkani bakwaYuda; wathatha neminikelo yakhe engcwele nayo yonke igolide eyayikwindawo ekugcinwa kuyo ubutyebi bendlu kaYehova nasendlini kakumkani, waza wayithumela kuHazayeli ukumkani waseSiriya.+ Ngoko warhoxa eYerusalem.
19 Enye imbali kaYehowashe, zonke izinto awazenzayo, azibhalwanga na encwadini yembali yamaxesha ookumkani bakwaYuda? 20 Kodwa izicaka zakhe zamenzela iyelenqe+ zaza zamxabela endlini yeNduli,*+ endleleni eyehlela eSila. 21 Waxatyelwa nguYozakare unyana kaShimeyati noYehozabhadi unyana kaShomere, izicaka zakhe, wafa.+ Bamngcwaba nookhokho bakhe kwisiXeko SikaDavide, waza uAmatsiya unyana wakhe waba ngukumkani endaweni yakhe.+