IiNdumiso

Kumalathisi. Mayidlalwe ngethi “Sukonakalisa.” Eka-Asafu.+ Ingoma.

75 Siyakubulela, owu Thixo, siyakubulela;

Igama lakho lisondele,+

Ibe abantu bathetha ngemisebenzi yakho emangalisayo.

2 Wena uthi: “Emva kokuba ndibeke ixesha lokugweba,

Ndigweba ngobulungisa.

3 Ndim owaqinisa iintsika zomhlaba,

Xa wanyibilikayo wona nabemi bawo.” (Selah)

4 Ndithi kwabo baqhayisayo, “Sanukuqhayisa,”

Nakubenzi-bubi, “Sanukuqhayisa ngamandla enu.*

5 Sanukuqhayisa ngamandla enu*

Okanye nithethe ngokuzidla.

6 Kaloku ukuphakanyiswa

Akuveli empuma okanye entshona okanye emzantsi.

7 Kuba nguThixo uMgwebi.+

Uyamthoba omnye, amphakamise omnye.+

8 Kuba kukho indebe esandleni sikaYehova;+

Iwayini iyabila ibe ixutywe ngokupheleleyo.

Ngokuqinisekileyo uza kuyigalela,

Bonke abenzi-bubi basemhlabeni baza kusela nkqu nentlenge.”+

9 Kodwa mna ndiza kuthetha ngayo ngonaphakade;

Ndiza kumdumisa ngengoma* uThixo kaYakobi.

10 Kuba uthi: “Ndiza kuwaphelisa amandla* abenzi-bubi,

Kodwa amandla* amalungisa aza kongezwa.”