INgoma Yazo Iingoma

3 “Ndithe ndisebhedini yam ebusuku,

Ndakhumbula isithandwa sentliziyo yam.+

 2 Ndiza kuvuka, ndizule isixeko,

Ezitratweni nakwiindawo eziphithizela abantu,

Ndikhangele isithandwa sam.

 4 Ndithe ndingekabi kude kubo

Ndamfumana umntu wam endimthandayo.

Ndiye ndambamba nkqi, andamyeka

Ndamzisa endlini kamama,+

Phakathi egumbini lalowo wandizalayo.

 5 Ndiyanifungisa zintombi zaseYerusalem,

Ngamabhadikazi namaxhamakazi asendle:

 6 “Yintoni le ingathi ngumsi ethi gqi ngasendle,

Eqholwe ngemore nangentlaka yokuqhumisa,

Nangazo zonke iintlobo zeziqholo zoosomashishini ezinevumba elimnandi?”+

Singqongwe ngamadoda ayi-60,

Amakroti akwaSirayeli,+

 8 Onke axhobe ngamakrele,

Onke aqeqeshelwe imfazwe,

Nganye iphethe ikrele layo,

Ilungele ukulwa xa kuvela ingozi ebusuku.”

 9 “Sisitulo esinophahla sasebukhosini* sikaKumkani uSolomon

Azenzele sona ngemithi yaseLebhanon.+

10 Iintsika zaso zenziwe ngesilivere,

Amazantsi aso ngawegolide.

Indawo yaso yokuhlala yenziwe ngoboya obumsobo;*

Sihonjiswe kakuhle ziintombi zaseYerusalem.”

11 “Phumani zintombi zaseZiyon,

Nibone uKumkani uSolomon

Efake isithsaba somtshato awasenzelwa ngumama wakhe+

Ngemini yakhe yomtshato,

Ngemini ekwathi ngco ngayo entliziyweni yakhe.”