Isaya

18 Liza kuthi shu ilizwe lezinambuzane ezibhuzayo

Elikummandla wemilambo yaseTiyopiya!+

 2 Lithumela oonozakuzaku ngolwandle,

Bawele imilambo ngezikhephe zompapiri, lisithi kubo:

“Hambani nina bathunywa banamendu

Niye kuhlanga olude olunolusu olumpuluswa,*

Isizwana esoyikwa kuyo yonke indawo,+

Uhlanga olunamandla noloyisayo,

Nolunomhlaba okhukuliswe yimilambo.”

 3 Nonke nina bemi belizwe nani bahlala emhlabeni,

Niza kubona into engathi luphawu* oluphakanyiswe ezintabeni,

Yaye niza kuva isandi esingathi kukuvuthelwa kophondo.

“Ndiza kuhlala ndingaphazamisekanga ndize ndijonge kwindawo yam emisiweyo,

Njengolophu nokugqatsa kwelanga,

Njengombethe ngexesha elifudumeleyo lokuvuna.

 5 Kuba ngaphambi kwesivuno,

Xa imithi idubule yagqiba, neediliya zivuthiwe,

Amasetyana aza kusikwa ngezitshetshe zokuthena imithi

Namasebe afileyo aza kugecwa aze alahlwe.

 6 Izidumbu zalo ziza kushiyelwa iintaka zasezintabeni ezidla inyama

Namarhamncwa omhlaba.

Iintaka ezidla inyama ziza kulichithela kuzo ihlobo,

Nawo onke amarhamncwa omhlaba aza kulichithela apho ixesha lokuvuna.

 7 Ngelo xesha kuza kuziswa isipho kuYehova wemikhosi,

Sisuka kuhlanga olude olunolusu olumpuluswa,*

Kwisizwana esoyikwa kuyo yonke indawo,

Kuhlanga olunamandla noloyisayo,

Nolunomhlaba okhukuliswe yimilambo,

Sisiya kwindawo ethwele igama likaYehova wemikhosi, iNtaba YeZiyon.”+