IiNdumiso

28 Ndimane ndikhalela kuwe, Yehova Liwa lam;+

Sukungandihoyi.

Ukuba uyathula ungandiphenduli,

Ndiza kufana nabo behlela emngxunyeni.*+

 2 Ndive xa ndikucenga ndikhalela uncedo,

Xa ndiphakamisela izandla zam ngakwelona gumbi liphakathi lendawo yakho engcwele.+

 3 Ungandirhuqi kunye nabenzi-bubi, abenzakalisa abanye,+

Abo bathetha amazwi oxolo ebantwini, ngoxa beceba inkohlakalo ezintliziyweni zabo.+

 4 Babuyekeze ngokwezenzo zabo,+

Ngokwezinto ezimbi abazenzayo.

Bavuze ngokwemisebenzi yezandla zabo,

Ngokwezinto abazenzileyo.+

 5 Kuba abayihoyanga imisebenzi kaYehova,+

Nemisebenzi yezandla zakhe.+

 6 Makadunyiswe uYehova,

Kuba undivile xa bendimcenga ndicela uncedo.

 7 UYehova ungamandla+ am nekhaka lam;+

Ndimthemba ngentliziyo yam yonke.+

Uye wandinceda, waza wayivuyisa intliziyo yam,

Ngoko ndiza kumdumisa ngengoma yam.

 8 UYehova ungamandla okusindisa abantu bakhe;

Uyindawo ekhuselekileyo yokusindisa umthanjiswa wakhe.+