INgoma Yazo Iingoma

2 “Ndiyintyatyambo* nje yethafa eliselunxwemeni,

Inyibiba yasezintlanjeni.”+

 2 “Isithandwa sam sinjengenyibiba phakathi kwameva

Xa sithelekiswa nezinye iintombi.”

 3 “Isithandwa sam sinjengomthi wama-apile phakathi kwemithi yehlathi

Xa sithelekiswa nabanye oonyana.

Akwaba bendingahlala emthunzini waso;

Zimnandi ngeyona ndlela iziqhamo zaso.

 4 Sandizisa kwindlu yetheko,*

Kwacaca kumntu wonke ukuba siyandithanda.

 5 Ndipheni iirasintyisi+ nama-apile

Ukuze ndihlaziyeke ndibe namandla,

Kuba ndiyafa luthando.

 6 Isandla saso sasekhohlo siphantsi kwentloko yam,

Sona esasekunene sindigonile.+

 7 Ndiyanifungisa zintombi zaseYerusalem,

Ngamabhadikazi+ namaxhamakazi asendle:

Jongani! Naso sisiza,

Sinyuka ezintabeni, sitsiba iinduli.

Nasiya simi emva kodonga lwasekhaya,

Sikrobe ngefestile.

‘Phakama, sithandwa sam,

Nzwakazi yam, masihambe.

12 Iintyatyambo zidubule elizweni,+

Lifikile ixesha lokuthena imithi,+

Kuvakala nokuntyiloza kwamahobe elizweni lethu.+

13 Umthi wamafiya* uqalisa ukuvuthwa;+

Nemithi yeediliya iqhamile, itsho ngevumba elimnandi.

14 Owu hobe lam elisemaweni,+

Phakathi kwamawa,

Mandikubone, ndive nelizwi lakho,+

Kuba unelizwi elimnandi futhi umhle.’”+

15 “Sibambeleni iimpungutye,

Iimpungutye ezincinci ezonakalisa amasimi eediliya,

Kuba imithi yethu iqhamile.”

17 Khawuleza ubuye sithandwa sam,

Ube njengebhadi+ okanye inkonyana lexhama+ kwezo ntaba zisahlulayo,*

Ingekapholi imini,* anabe namathunzi.