Yoshuwa
20 Emva koko uYehova wathi kuYoshuwa: 2 “Yithi kumaSirayeli, ‘Zikhetheleni izixeko zokubalekela+ endathetha ngazo kuni ngoMoses, 3 ukuze umntu obulele omnye ngempazamo abalekele kuzo. Ziza kuba yindawo yokuzikhusela kumphindezeli wegazi.+ 4 Loo mntu umele abalekele kwesinye sezo zixeko+ aze eme egeyithini yaso,+ azixele kubadala beso sixeko. Bona bamele bamamkele baze bamnike indawo yokuhlala. 5 Ukuba umphindezeli wegazi uyamleqa loo mntu, abadala abamele bamnikele esandleni sakhe, kuba umbulele ngempazamo, ibe ebengamcaphukeli.+ 6 Loo mntu ubuleleyo umele ahlale kweso sixeko de kuxoxwe ityala lakhe phambi kwebandla,+ aze aqhubeke ehlala apho de kufe umbingeleli omkhulu+ okhoyo ngelo xesha. Emva koko angabuyela kwisixeko awabaleka kuso, angene aze ahlale endlini yakhe.’”+
7 Ngoko bangcwalisa* iKedeshe+ eseGalili kummandla weentaba wakwaNafetali, iShekem+ ekummandla weentaba wakwaEfrayim, neKiriyati-arbha,+ oko kukuthi, iHebron, ekummandla weentaba wakwaYuda. 8 Kummandla waseYordan, empuma kweYeriko, bakhetha iBhetsere+ esentlango kumhlaba othe tyaba kwisizwe sakwaRubhen, iRamoti+ eseGiliyadi kwisizwe sakwaGadi, neGolan+ eseBhashan kwisizwe sakwaManase.+
9 Ezi zizixeko ezakhethelwa onke amaSirayeli nabantu basemzini abahlala nawo, ukuze nabani na obulele umntu ngempazamo abalekele kuzo+ aze angabulawa ngumphindezeli wegazi lingekaxoxwa ityala lakhe phambi kwebandla.+