IMizekeliso
4 Ubutyebi abuzukunceda* nganto ngemini yomsindo,+
Kodwa bubulungisa obuza kusindisa abantu ekufeni.+
5 Ubulungisa balowo umsulwa buyenza ilunge indlela yakhe,
Kodwa umenzi-bubi uza kuwa ngenxa yobubi bakhe.+
6 Ubulungisa babantu abenza izinto ezilungileyo buza kubasindisa,+
Kodwa abo benza ngobuqhophololo baza kubanjiswa yiminqweno yabo.+
7 Xa umenzi-bubi esifa, liphelela emoyeni ithemba lakhe;
Nezinto ebezilindelwe ngenxa yamandla akhe ziphelela emoyeni.+
9 Ngomlomo wakhe umntu ojikele uThixo* wenzakalisa ummelwane wakhe,
Kodwa wona amalungisa asindiswa lulwazi.+
10 Ukulunga kwamalungisa kuyasivuyisa isixeko,
Ibe xa abenzi-bubi betshabalala, kukhalwa iinyembezi zovuyo.+
15 Nabani na onikela isibambiso ngenxa yento ebolekwe ngumntu angamaziyo, ziza kumhambela kakubi izinto,+
Kodwa okuphephayo* ukuxhawula isandla efunga uza kukhuseleka.
20 UYehova uyabenyanya abo baneentliziyo ezigqwethekileyo,+
Kodwa uyabathanda abo bangenakusoleka endleleni yabo.+
21 Qiniseka ngale nto:* Umntu ongumenzi-bubi soze angohlwaywa,+
Kodwa abantwana bamalungisa baza kusinda.
22 Njengecici legolide empumlweni yehagu,
Unjalo umfazi omhle kodwa engayisebenzisi ingqondo.
23 Umnqweno wamalungisa ukhokelela kwizinto ezilungileyo,+
Kodwa ithemba labenzi-bubi libangela umsindo.
24 Omnye uye athande ukupha* aze agqibele enezinto ezininzi;+
Omnye azigcine izinto amele ukuphisa ngazo, kodwa abe lihlwempu.+
26 Abantu baza kumqalekisa umntu owala nokutya okuziinkozo,
Kodwa baza kumsikelela lowo ukuthengisayo.
27 Lowo ukukhuthaleleyo ukwenza okulungileyo ufuna ukuthandwa,+
Kodwa lowo ufuna ububi, uza kufikelwa yiloo nto kanye.+