Amosi

“UYehova uza kugquma eseZiyon,

Aphakamise ilizwi lakhe eseYerusalem.

Amadlelo abalusi aza kuzila,

Nenkcochoyi yeKarmele iza koma.”+

 3 “Uthi uYehova,

‘“Ngenxa yokungathobeli kathathu kweDamasko, nakane, andizukujika kuloo nto,

Kuba ibhule iGiliyadi ngezileyi zokubhula zentsimbi.+

 4 Ndiza kuthumela umlilo endlini kaHazayeli,+

Uziqwenge iinqaba ezikhuselekileyo zikaBhen-hadadi.+

 5 Ndiza kuyaphula imivalo yaseDamasko;+

Ndiza kubatshabalalisa abahlali baseBhikate-aven

Nalowo ulawula* eseBhete-eden;

Nabantu baseSiriya baza kuba ngabathinjwa eKire,”+ utsho uYehova.’

 6 Uthi uYehova,

‘“Ngenxa yokungathobeli kathathu kweGaza,+ nakane, andizukujika kuloo nto,

Kuba ithathe iqela labathinjwa+ yalinikela kuEdom.

 7 Ndiza kuthumela umlilo kudonga lwaseGaza,+

Uziqwenge iinqaba zayo ezikhuselekileyo.

 8 Ndiza kubatshabalalisa abahlali baseAshdode,+

Nalowo ulawula* eseAshkelon;+

Ndiza kusibeka phezu kwe-Ekron+ isandla sam,

NamaFilisti ashiyekileyo aza kutshabalala,”+ itsho iNkosi enguMongami uYehova.’

 9 Uthi uYehova,

‘Ngenxa yokungathobeli kathathu kweTire,+ nakane, andizukujika kuloo nto,

Kuba inikele ngeqela labathinjwa kuEdom,

Yaye ayikhange isikhumbule isivumelwano sayo nomntakwayo.+

10 Ngoko ndiza kuthumela umlilo kudonga lwaseTire,

Uziqwenge iinqaba zayo ezikhuselekileyo.’+

11 Uthi uYehova,

‘Ngenxa yokungathobeli kathathu kukaEdom,+ nakane, andizukujika kuloo nto,

Kuba waleqa umntakwabo ngekrele,+

Akavuma ukuba nenceba;

Ecaphuka uhlala emgrenya,

Ibe uhlala enomsindo.+

12 Ndiza kuthumela umlilo kwaTeman,+

Uziqwenge iinqaba ezikhuselekileyo zaseBhotsera.’+

13 Uthi uYehova,

‘“Ngenxa yokungathobeli kathathu kwama-Amoni,+ nakane, andizukujika kuloo nto,

Kuba agrabhuze abafazi abamithiyo baseGiliyadi, ngenjongo yokwandisa ummandla wawo.+

14 Ngoko ndiza kulutshisa udonga lwaseRabha,+

Uziqwenge iinqaba zayo ezikhuselekileyo,

Ngoxa kuhlatywa umkhosi ngemini yedabi,

Kusitsho nesivuthuvuthu ngemini yesaqhwithi.