Nehemiya
11 Iinkosana zabantu zazihlala eYerusalem;+ bona abanye abantu benza amaqashiso+ ukuze kwishumi ngalinye kubekho umntu omnye ohlala eYerusalem, isixeko esingcwele, baze abanye abasithoba bahlale kwezinye izixeko. 2 Abantu babancoma bonke abo bahambayo bayokuhlala eYerusalem, bebanqwenelela intsikelelo kaThixo.
3 Aba ngabaphathi bamaphondo* ababehlala eYerusalem: (Amanye amaSirayeli, abaLevi, abasebenzi basetempileni*+ noonyana bezicaka zikaSolomon,+ babehlala kwezinye izixeko zakwaYuda, ngamnye enomhlaba wakhe kwisixeko sakhe.+
4 Ayekhona namanye amaYuda namaBhenjamin awayehlala eYerusalem.) Kubantu bakwaYuda yayinguAtaya unyana kaUziya unyana kaZekariya unyana ka-Amariya unyana kaShefatiya unyana kaMahalaleli woonyana bakaPeretse,+ 5 noMahaseya unyana kaBharuki unyana kaKolihoze unyana kaHazaya unyana ka-Adaya unyana kaYoyaribhe unyana kaZekariya unyana womShela. 6 Xa bebonke oonyana bakaPeretse ababehlala eYerusalem, yayingamadoda anamandla ayi-468.
7 Naba oonyana bakaBhenjamin: NguSalu+ unyana kaMeshulam unyana kaYowedi unyana kaPedaya unyana kaKolaya unyana kaMahaseya unyana kaItiyeli unyana kaYeshaya; 8 kwakukho nabakaGabhayi noSalayi, abayi-928; 9 ibe babephethwe nguYoweli unyana kaZikri, yena uYuda unyana kaHasenuwa elisekela lakhe kweso sixeko.
10 Ababingeleli: NguYedaya unyana kaYoyaribhe, uYakin,+ 11 uSeraya unyana kaHilekiya unyana kaMeshulam unyana kaTsadoki unyana kaMerayoti unyana ka-Ahitubhi,+ inkokheli yendlu* yoThixo wokwenene, 12 nabantakwabo ababesebenza etempileni, beyi-822; uAdaya unyana kaYeroham unyana kaPelaliya unyana ka-Amtsi unyana kaZekariya unyana kaPashure+ unyana kaMalekiya, 13 nabantakwabo abaziintloko zezindlu, beyi-242; uAmashesayi unyana ka-Azareli unyana ka-Ahazayi unyana kaMeshilemoti unyana kaImere, 14 nabantakwabo abangamadoda anamandla nangamakroti, beyi-128; ibe ayephantsi kukaZabhediyeli wentsapho yezikhulu.
15 AbaLevi: NguShemaya+ unyana kaHashubhi unyana ka-Azerikam unyana kaHashabhiya unyana kaBhuni, 16 noShabhetayi+ noYozabhadi,+ abaziintloko zabaLevi, nababejongene nomsebenzi owawusenziwa ngaphandle endlini yoThixo wokwenene; 17 uMataniya+ unyana kaMika unyana kaZabhedi unyana ka-Asafu+ ongumbhexeshi wekwayara yokudumisa xa kuthandazwa,+ uBhakebhukiya owayelisekela lakhe, noAbheda unyana kaShamuwa unyana kaGalali unyana kaYedutun.+ 18 Xa bebonke abaLevi ababekwisixeko esingcwele babeyi-284.
19 Oonogada basegeyithini babeyi-172, inguAkubhi, uTalemoni+ nabantakwabo.
20 Amanye amaSirayeli, ababingeleli nabaLevi, babekuzo zonke ezinye izixeko zakwaYuda, ngamnye ekumhlaba olilifa lakhe. 21 Abasebenzi basetempileni*+ babehlala eOfeli,+ bephantsi kukaTsiha noGishpa.
22 AbaLevi eYerusalem babephantsi kukaUzi unyana kaBhani unyana kaHashabhiya unyana kaMataniya+ unyana kaMikha woonyana baka-Asafu ababeziimvumi; nguye owayephethe umsebenzi wendlu yoThixo wokwenene. 23 Kwakukho umyalelo ovela kukumkani+ wokuba iimvumi zinikwe yonke into eziyidingayo yonke imihla. 24 UPetahiya unyana kaMeshezabheli woonyana bakaZera unyana kaYuda wayengumcebisi kakumkani* kuyo yonke imicimbi yabantu.
25 Nantsi eminye imihlaba awayehlala kuyo amanye amaYuda: YiKiriyati-arbha+ needolophu eziphantsi kwayo,* iDibhon needolophu eziphantsi kwayo, iYekabhetseli+ neelali zayo, 26 iYeshuwa, iMolada,+ iBhete-pelete,+ 27 iHatsare-shuwali,+ iBher-shebha needolophu eziphantsi kwayo,* 28 iTsikelage,+ iMekona needolophu eziphantsi kwayo,* 29 iEn-rimon,+ iTsora,+ iYarmuti, 30 iZanowa,+ iAdulam neelali zayo, iLakishe+ neelali zayo, neAzeka+ needolophu eziphantsi kwayo.* Ayehlala* ukususela eBher-shebha ukuyokutsho kwiNtlambo YaseHinom.+
31 Wona amaBhenjamin ayeseGebha,+ eMikimashe, eAya, eBheteli+ nakwiidolophu eziphantsi kwayo,* 32 eAnatoti,+ eNobhi,+ eAnaniya, 33 eHatsore, eRama,+ eGitayim, 34 eHadidi, eTsebhoyim, eNebhalati, 35 eLodi naseOno,+ intlambo yabakhandi abangamachule. 36 Amanye amaqela abaLevi akwaYuda ahlaliswa kwaBhenjamin.