Yobhi
23 UYobhi waphendula wathi:
3 Akwaba bendisazi ukuba uhlala phi uThixo!+
Bendiza kuya kuloo ndawo ahlala kuyo.+
4 Bendiza kusisa kuye isikhalo sam,
Ndizithethelele kuye;
5 Bendiza kumamela indlela andiphendula ngayo,
Ndizigcine izinto azithethayo kum.
6 Ebeza kulwa nam na ngamandla akhe?
Hayi, ngokuqinisekileyo ebeza kundimamela.+
7 Ilungisa beliza kukwazi ukulungisa izinto naye,
Nditsho ndifunyaniswe ndingenatyala nguMgwebi wam.
8 Kodwa ndiba ngaya empuma, ndifike engekho,
Ndiphinde ndibuye, ndingamfumani.
9 Xa esebenza ngasekhohlo, andimfumani;
Naxa ejikela ngasekunene, andimboni.
10 Kodwa uyayazi indlela endiyihambileyo.+
Emva kokuba endivavanyile, ndiza kuphuma ndinjengegolide esulungekileyo.+
12 Ndiyithobele yonke imithetho yakhe.
Ndizigcine+ ngaphezu kokuba bekulindelekile izinto azithethileyo.
13 Ngubani onokumnqanda xa ezimisele entweni?+
Xa efuna ukwenza into, uyayenza.+
14 Kuba uza kuzenza zonke izinto azimisele ukuzenza kum,
Ibe zininzi ezo zinto.
15 Yiyo le nto ndinexhala;
Ndithi ndakucinga ngaye, ndiye ndisoyika.
16 UThixo undigqibe amandla,
Ibe uSomandla undenze ndoyika.
17 Kodwa ke andizukuthula ngenxa yobo bumnyama
Nangenxa yeso sithokothoko sigqume ubuso bam.