IMizekeliso

26 Njengekhephu ehlotyeni nemvula ngexesha lokuvuna,

Lunjalo uzuko ukungasifaneli isidenge.+

 2 Kanye njengokuba intaka inesizathu sokubhabha nenkonjane inesizathu sokuphaphazela,

Nomntu akaqalekiswa ngaphandle kwesizathu.

 3 Isabhokhwe sesehashe, umkhala ngowedonki,+

Yona intonga yeyomqolo wezidenge.+

 4 Sukusiphendula isidenge ngobudenge baso,

Ukuze ungafani* naso.

 5 Siphendule isidenge ngobudenge baso,

Ukuze singacingi ukuba silumkile.+

 6 Unjengomntu owenzakalisa iinyawo zakhe aze aqhwalele*

Umntu othemba isidenge.

 7 Linjengemilenze etyokololo* yesiqhwala

Iqhalo elisemlonyeni wezidenge.+

 8 Kunjengokubopha ilitye kwisilingi

Ukuzukisa isidenge.+

 9 Linjengesityalo esinameva esandleni senxila

Iqhalo elisemlonyeni wezidenge.

10 Unjengomtoli odubula aze enzakalise nabani na

Umntu oqesha isidenge okanye abantu nje abadlulayo.

11 Kanye njengenja ebuyela emhlanzweni wayo,

Sinjalo isidenge ukuphinda ubudenge baso.+

13 Ivila lithi: “Kukho ingonyama endleleni,

Ingonyama kwindawo kawonke-wonke!”+

14 Oku kocango oluvuleka luvaleke kwiihenjisi zalo,

Linjalo ivila ukuziqika-qika ebhedini yalo.+

15 Ivila lisifaka sitshone isandla kwisitya esinokutya,

Kodwa liyonqena ukusikhupha lisise emlonyeni.+

16 Ivila licinga ukuba lilumke ngakumbi

Kunabantu abasixhenxe abaphendula into ebhadlileyo.

17 Unjengomntu othi nqaku inja ngeendlebe

Umntu othi edlula suke abe nomsindo ngengxabano* engafuni yena.+

18 Unjengomntu ophambeneyo odubula ngeentolo zomlilo ezibulalayo

19 Umntu oqhatha ummelwane wakhe aze athi, “Bendidlala!”+

20 Xa zingekho iinkuni, uyacima umlilo,

Naxa engekho umntu ongcolisa amagama abanye, iyaphela ingxabano.+

21 Unjengamalahle neenkuni zokuphemba umlilo

Umntu oqala ingxabano.+

22 Amazwi omntu ongcolisa amagama abanye anjengentwana yokutya okumnandi;*

Abimbilizwa ayokutsho ngqo esiswini.+

23 Anjengesitya sodongwe esogqunywe ngesilivere

Amazwi amnandi* aphuma kwintliziyo embi.+

24 Umntu obacaphukelayo abanye uyayifihla loo nto ngezinto azithethayo,

Kodwa ngaphakathi abe efukame ubuxoki.

25 Nangona ethetha kamnandi, ungaze umthembe,

Kuba kukho izinto ezisixhenxe ezenyanyekayo entliziyweni yakhe.*

26 Nangona eyifihle ngamaqhinga inzondo yakhe,

Inkohlakalo yakhe yona iza kubhencwa ebandleni.

27 Umntu owemba umngxuma, uza kweyela kuwo,

Nalowo uqengqa ilitye, liza kubuyela kuye.+

28 Ulwimi oluxokayo luyabacaphukela abo lubatyumzayo,

Nomlomo oqhathayo uzisa intlekele.+