Eyesibini KaSamuweli
8 Ekuhambeni kwexesha uDavide walwa namaFilisti+ waza wawoyisa,+ yaye wayoxutha iMetege-ama kuwo.
2 Woyisa amaMowabhi+ wawalalisa phantsi emhlabeni, waza wawameta ngomtya. Lawo awamete ngemitya emibini wayewabulala, aze lawo awamete aphelela kumtya omnye, awasindise.+ Emva koko amaMowabhi aba zizicaka zikaDavide aza azisa umrhumo.+
3 UDavide woyisa uHadadezere unyana kaRehobhi ukumkani waseTsobha,+ ngoxa wayesaya kubuyisela ulawulo lwakhe kummandla ongakuMlambo UmEfrate.+ 4 UDavide wathimba abakhweli-mahashe abayi-1 700 namadoda ahamba ngeenyawo ayi-20 000. Emva koko wawanqumla imisipha onke amahashe atsala iinqwelo, washiya kuphela ayi-100.+
5 Xa amaSiriya aseDamasko+ eza kuncedisa uKumkani uHadadezere waseTsobha, uDavide waxabela ayi-22 000 kuwo.+ 6 Emva koko wabeka amajoni eSiriya yaseDamasko, aza amaSiriya aba zizicaka zakhe ezizisa umrhumo. Yaye uYehova wayemenza oyise* uDavide naphi na apho wayesiya khona.+ 7 Ngaphezu koko, wathatha amakhaka egolide arawundi awayekubakhonzi bakaHadadezere, wawazisa eYerusalem.+ 8 EBheta naseBherotayi, izixeko zikaHadadezere, uKumkani uDavide wathatha ikopolo eninzi kakhulu.
9 UKumkani uToyi waseHamati+ weva ukuba uDavide uwoyise wonke umkhosi kaHadadezere.+ 10 Ngoko wathumela uYoram unyana wakhe kuKumkani uDavide ukuba ambuze ukuba uphila njani, aze avuyisane naye ngenxa yokuba oyise uHadadezere (kuba uHadadezere wayedla ngokulwa noToyi). UYoram wayephethe nezinto zesilivere, igolide nekopolo. 11 UKumkani uDavide wazingcwalisela uYehova ezi zinto njengokuba wayeyingcwalisile isilivere negolide awayeyithathe kuzo zonke iintlanga awayezoyisile:+ 12 iSiriya, amaMowabhi,+ ama-Amoni, amaFilisti+ nama-Amaleki,+ kunye nezinto ezixabisekileyo awayezixuthe kuHadadezere+ unyana kaRehobhi ukumkani waseTsobha. 13 Kwakhona uDavide wazenzela igama akubuya ekuxabeleni amaEdom ayi-18 000 kwiNtlambo YeTyiwa.+ 14 Wabeka amajoni kwaEdom. Kulo lonke elakwaEdom wabeka amajoni, ibe onke amaEdom aba zizicaka zikaDavide.+ UYehova wayemenza oyise* uDavide naphi na apho wayesiya khona.+
15 UDavide waqhubeka elawula wonke uSirayeli,+ ibe wayebenzela okusesikweni* nobulungisa+ bonke abantu bakhe.+ 16 UYowabhi+ unyana kaTseruya wayephethe umkhosi, yena uYehoshafati+ unyana ka-Ahiludi egcina ingxelo. 17 UTsadoki+ unyana ka-Ahitubhi noAhimeleki unyana ka-Abhiyatare babengababingeleli, yena uSeraya engunobhala. 18 UBhenaya+ unyana kaYehoyada wayephethe amaKereti namaPeleti.+ Bona oonyana bakaDavide, baba ngamagosa aziintloko.*