IiNdumiso
Kumalathisi; mayidlalwe ngeMahalati.* IMaskili.* EkaDavide.
53 Izidenge zithi ezintliziyweni zazo:*
“Akekho uYehova.”+
Zineendlela ezijijekileyo; zenza izinto ezingalunganga nezenyanyekayo;
Akukho mntu wenza izinto ezilungileyo.+
2 Kodwa uThixo ubajongile esezulwini oonyana babantu,+
Ufuna ukubona ukuba akanakumfumana na umntu onobulumko, okanye okhangela uYehova.+
3 Bonke baphumile endleleni;
Banamaqhinga bonke.
Akukho mntu wenza izinto ezilungileyo,
Akukho nokuba abe mnye.+
4 Uthetha ukuba akukho namnye kubenzi-bubi ovayo?
Baginya abantu bam ngokungathi batya isonka.
Abathandazi kuYehova.+
5 Kodwa baza kutyhwatyhwa,
Boyike ngendlela abangazange boyika ngayo,*
Kuba uThixo uza kuwasasaza amathambo abo bakuhlaselayo.*
Wena uza kubahlazisa, kuba uYehova ubalahlile.
6 Akwaba uSirayeli angasindiswa yiZiyon!+
Makavuye uYakobi, onwabe uSirayeli
Xa uYehova ebuyisa abantu bakhe abathinjiweyo.