Eyesibini YeziKronike
3 Emva koko uSolomon waqalisa ukwakha indlu kaYehova+ eYerusalem kwiNtaba YaseMoriya,+ kwindawo uYehova awabonakala kuyo kuDavide utata wakhe,+ indawo awayilungisayo uDavide, kwibala lokubhula likaOrnan+ umYebhusi. 2 Waqalisa ukwakha ngomhla wesibini, ngenyanga yesibini, ngonyaka wesine elawula. 3 Isiseko awasibekayo uSolomon ukuze akhe indlu yoThixo wokwenene, sasiziikubhite eziyi-60 ubude neekubhite eziyi-20 ububanzi,+ ngokomlinganiselo wangaphambili wokumeta.* 4 Iveranda eyayingaphambili yayiziikubhite eziyi-20 ubude, ilingana nobubanzi bendlu,* yaye ukuphakama kwayo kwakuziikubhite eziyi-120.* Wayityabeka ngaphakathi ngegolide esulungekileyo.+ 5 Iindonga zendlu enkulu wazogquma ngamaplanga omthi wejunipha, waza wawatyabeka ngegolide entle,+ emva koko wazihombisa ngemizobo yomthi wesundu+ namatsheyini.+ 6 Ngokubhekele phaya, wayihombisa indlu ngamatye amahle axabisekileyo,+ yaye igolide+ awayisebenzisayo yayivela eParvayim. 7 Watyabeka indlu, amaplanga, imigubasi, iindonga zayo neengcango zayo ngegolide,+ waza wazoba iikherubhi kwiindonga.+
8 Ngoku wenza eYona Ngcwele,*+ ubude bayo babulingana nobubanzi bendlu obuziikubhite eziyi-20, nobubanzi bayo babuziikubhite eziyi-20. Wayityabeka ngegolide entle+ eziitalente* eziyi-600. 9 Ubunzima begolide yezikhonkwane babuziishekele eziyi-50,* yaye amagumbi aseluphahleni wawatyabeka ngegolide.
10 Emva koko wenza imifanekiso yeekherubhi ezimbini kweYona Ngcwele,* waza wayityabeka ngegolide.+ 11 Ubude bamaphiko eekherubhi babuziikubhite eziyi-20, iphiko lekherubhi+ yokuqala laliziikubhite ezintlanu ubude, yaye lalithe ngqu kudonga lwendlu, nelinye iphiko liziikubhite ezintlanu ubude, lithe ngqu kwiphiko lenye ikherubhi. 12 Iphiko lenye ikherubhi laliziikubhite ezintlanu ubude futhi lithe ngqu eludongeni lwendlu, nelinye iphiko liziikubhite ezintlanu ubude yaye lithe ngqu kwiphiko lenye ikherubhi. 13 Amaphiko ezo kherubhi ayethe naa, eziikubhite eziyi-20, yaye zazimi ngeenyawo zijonge ngaphakathi.*
14 Wenza nekhethini+ ngomsonto oluhlaza,* ngoboya obumsobo,* ngomsonto obomvu krwe nangelaphu lodidi, wenza neekherubhi kuloo khethini.+
15 Emva koko wenza iintsika ezimbini+ phambi kwendlu, ezaziziikubhite eziyi-35 ubude, ingqukuva eyayiphezu kwentsika nganye yayiziikubhite ezintlanu.+ 16 Wenza amatsheyini afana neneklesi, wawabeka phezu kweentsika, wenza neerharnati eziyi-100 waza wazijingisa kuloo matsheyini. 17 Wazimisa iintsika ngaphambi kwetempile, enye yaba ngasekunene* enye yangasekhohlo,* eyayingasekunene wayibiza ngokuba nguYakin,* engasekhohlo wayibiza ngokuba nguBhohazi.*