IiNdumiso
Ingoma emnandi kaDavide.
141 Owu Yehova, ndikhalela kuwe.+
Khawuleza uzokundinceda.+
Ndicela usimamele isikhalo sam.+
2 Kwanga umthandazo wam ungaba njengesiqhumiso esiqholiweyo+ phambi+ kwakho,
Izandla zam eziphakamileyo zibe njengomnikelo wokutya okuziinkozo wangokuhlwa.+
4 Sukuyivumela intliziyo yam irhalele nantoni na embi,+
Ndingazenzi izinto ezimbi ezenziwa ngabantu abakhohlakeleyo;
Mandingaze nditye izimuncu-muncu zabo.
5 Ukuba ilungisa lingandibetha, liya kuba libonisa uthando olungagungqiyo;+
Ukuba lingandiluleka, iya kuba yioli kwintloko yam loo nto,+
Engenakuze yaliwe yintloko yam.+
Ndiza kuqhubeka ndilithandazela naxa lisehlelwa yintlekele.
6 Nokuba abantu bangabaphosa eliweni abagwebi babo,
Baza kuwamamela amazwi am, kuba amnandi.
8 Kodwa amehlo am ajonge kuwe, Nkosi enguMongami Yehova.+
Ndibalekela kuwe.
Ndicela ungandibulali.
9 Ndikhusele kwisibatha abandibekele sona,
Kwimigibe yabenzi-bubi.