Yakunciphisa Ngokuphawulekayo Ukuziphatha Kakubi Ngokwesini

Umcebisi kwiyunivesithi yaseOklahoma, eUnited States, wanikela ingxelo yokuba incwadi ethi Imibuzo Yabantu Abaselula—Iimpendulo Eziluncedo yenze oku kungasentla. Umcebisi kwiYunivesithi yaseLangston wabhala:

“Bendiya kucebisa nawuphi na umntu oqhubana nabantu abaselula abaphakathi kweminyaka eli-13 ukusa kweli-18 ukuba asebenzise le ncwadi. Isichaza isini ngendlela abafundi bethu abafanele basazi ngayo ukuze bahlangabezane neengxaki zebutho labantu lanamhlanje eliphixeneyo. Ngokusuka kumava am, ndifumanise ukuba ibanceda bazi oko kwenzekayo xa beziphethe kakubi. Ibenza bazazi kakuhle izifo ezahlukeneyo ezidluliselwa ngeentlobano zesini ezinjengoGawulayo, izifo zesini, iherpes negonorrhea.

“Ukuba ugqiba kwelokuba ube neentlobano zesini, ibonisa indlela onokulikhetha ngayo iqabane elinye oza kuhlala nalo ubomi bakho bonke, yaye iphakamisa ubungcwele bomtshato. Ndikunandiphe ngokwenene ukusebenzisa le ncwadi. Inempembelelo kubomi babo bayisebenzisayo. Ndiphawule ukuba ukukhulelwa kwamantombazana aselula akwinkqubo yethu yokunikela amacebiso kunciphe kakhulu emva kokuba eboniswe le ncwadi.”

Ukuba ungathanda ukufumana umbhalo wencwadi ethi Imibuzo Yabantu Abaselula—Iimpendulo Eziluncedo okanye isifundo seBhayibhile sekhaya sesisa, nceda ubhalele kwiWatch Tower, Private Bag X2067, Krugersdorp, 1740, okanye kwikhelingi efanelekileyo kwezidweliswe kwiphepha 5.