“Yayiyincwadi Yokuqala Awakha Wayifunda”

AmaNgqina kaYehova eUkraine ngokufuthi athetha nabo balinde oololiwe. Elinye ibhinqa elabonisa umdla eBhayibhileni lanikwa umbhalo wencwadi ethi Incwadi Yam Yamabali EBhayibhile, impapasho esebenzisa imifanekiso emininzi kwimbali yayo yeBhayibhile elandelelana ngokwamaxesha.

Kamva, kwakwisikhululo esinye, kwakhona eli bhinqa lalibona elo Ngqina yaye labulela ngencwadi, lichaza lisithi: “Unyana wam akakufuni ukufunda incwadi zakhe zesikolo. Akafane azifunde kwaphela. Kodwa xa ndamnika incwadi Yamabali EBhayibhile, wabona imifanekiso yaye wakunqwenela gqitha ukuyifunda. Wayifunda le ncwadi yonke kwisithuba esinokuba ziiveki ezimbini. Yayiyincwadi yokuqala awakha wayifunda. Kodwa, eyona nto intle yeyokuba, wavuyiswa kukwazi uThixo. Yaye nam ndiyavuya kukubona ezi nguqulelo kuye. Ncedani nindinike iincwadi ezingakumbi zokufunda.”

Elinye ibhinqa lalimi kufuphi laza laliva eli bali. Labuza enoba lalinokuwufumana kusini na umbhalo wale ncwadi ethi Incwadi Yam Yamabali EBhayibhile. Nawe unokuyifumana inkcazelo engakumbi ngendlela yokufumana umbhalo wale ncwadi enamaphepha angama-256 okanye othile akutyelele ekhayeni lakho ukuza kuxubusha kunye nawe ngokuxabiseka kwemfundo yeBhayibhile, ngokuthi ubhalele kwiWatch Tower, Private Bag X2067, Krugersdorp, 1740, South Africa, okanye kwikhelingi ekufuphi nawe kwezidweliswe kwiphepha 5.