Umathidala Kodwa Usephulweni
ENYE indoda eyathi yabhaptizwa njengomRoma Katolika yenza esi sicelo kwileta eyayibhalela iofisi yesebe yamaNgqina kaYehova eSlovenia: “Ncedani nindithumelele umbhalo wencwadana enemifanekiso ethi Yintoni UThixo Ayifunayo Kuthi? Kwakhona ndingathanda ukufumana inkcazelo ngendlela endinokulifumana rhoqo ngayo iphephancwadi uVukani! ekhayeni lam.”
Le ndoda yathi: “Nincede ningandiva kakubi. Ndisemathidala kwimibandela ephathelele unqulo, kodwa ndothuka andalibala ndakufumanisa ukuba uVukani! akanyanzelisi nto kodwa uchaza izinto ngokungqalileyo nangendlela enemfundiso.” Yandula ke yabhekisela kwiphephancwadi lonqulo elaziwayo, isithi libaqhatha ngokuphandle abantu.
Le ndoda yachaza nesizathu sokuba ingazalisanga iphetshana elingasemva kuVukani! ukuze icele incwadana enemifanekiso ethi Okufunwa NguThixo kodwa ikhethe ukubhala ileta. Yathi: “Andifunanga kulonakalisa eli phephancwadi linguVukani! Ndifuna ukuligcina liphelele!”
Le ncwadana inemifanekiso ithi Yintoni UThixo Ayifunayo Kuthi? nenamaphepha angama-32 inezifundo ezili-16. Kwezi zifundo kucaciswa iimfundiso ezisisiseko zeBhayibhile yaye inkcazelo ekuzo ithatyathwe eBhayibhileni ukuze sifumanise oko simele sikwenze ukuze uThixo akholiswe sithi. Ukuba nawe ungathanda ukucela umbhalo wale ncwadana inemifanekiso, zalisa iphetshana elingezantsi uze ulithumele kwidilesi eboniswe kulo okanye kwidilesi efanelekileyo kwezidweliswe kwiphepha 5 leli phephancwadi.
□ Ncedani nindithumelele umbhalo wencwadana enemifanekiso ethi Yintoni UThixo Ayifunayo Kuthi?
Chaza ulwimi
□ Ncedani niqhagamshelane nam ngokuphathelele isifundo seBhayibhile sekhaya sesisa.
[Umfanekiso okwiphepha 32]
Imibhalo eli-113 lezigidi ngeelwimi ezingama-240