Ngaba Uyafuna Ukuba Ngumhlobo KaThixo?
● Unokuwuphendula uthini lo mbuzo ungasentla? Intwazana ekummandla okwanti waseGuerrero, eMexico ithi, ayiqondi ukuba ingenzeka loo nto. Amantombazana amabini angamaNgqina kaYehova ambonisa incwadana enemifanekiso ethi Unako Ukuba Ngumhlobo KaThixo! ngolwimi lwakhe lweenkobe. Yayimangalisa into yokuba le ncwadana iyafumaneka ngesiTlapanec, kuba yayisoloko ibona iincwadi zaseburhulumenteni kuphela ngolu lwimi.
La mantombazana mabini ayichazela ukuba le ncwadana inemifanekiso ibubungqina bokuba uMdali uyayithanda yaye iza kuyinceda imazi. Yasifunda ngoko nangoko isifundo sokuqala esinomxholo othi, “UThixo Ukumema Ukuba Ube Ngumhlobo Wakhe.” Isakugqiba ukusifunda, yathi: “Ndifuna ukuba ngumhlobo kaThixo. Ndicela nindiphathele iBhayibhile.” Xa la maNgqina abuyayo eyiphathele iBhayibhile, unina wale ntwazana wawacela ukuba ahlale aze abafundise ezinye izinto.
IsiTlapanec lolunye lweelwimi ezili-17 ezithethwa ngamaIndiya aseMexico efumaneka ngayo le ncwadana enemifanekiso ethi Unako Ukuba Ngumhlobo KaThixo! Ehlabathini lonke ifumaneka ngeelwimi ezingama-278 (ikho nangeBraille). Unokuzicelela ikopi yayo ngokuzalisa eli phetshana lingezantsi uze ulithumele kwiadresi elapha okanye kwefanelekileyo kwezidweliswe kwiphepha 5 leli phephancwadi.
□ Ndicela nindithumelele incwadi eboniswe apha.
□ Ndicela niqhagamshelane nam ngokuphathelele isifundo seBhayibhile sekhaya sesisa.