Ukuhlangabezana Neemvakalelo

Ukuhlangabezana neemvakalelo zethu ngempumelelo kulucelomngeni lokwenene. Oselula ubalisa athi: “Ndandiziva ndonwabile, kodwa kumzuzwana nje olandelayo ndandidandatheka ngokunzulu. Maxa wambi ndandide ndingazi nendlela endivakalelwa ngayo. Kwakungathi ndandilahleke ebumnyameni. Ndandingakwazi ukuvakalisa okusentliziyweni yam ibe iimvakalelo zam zazingaguquki enoba ndandithetha nabani na, nokuba ndandithetha nesiqu sam. Ndaziva ngokungathi ndandingafumani ngqalelo evela kubantu abandingqongileyo, ingakumbi abantwana endandifunda nabo, kuba ndandingengomntu unomtsalane. Ekugqibeleni zonke ezo mvakalelo zazindigqiba ngaphakathi, ndaza ndaqalisa ukuthiya isiqu sam nobuntu bam.”

Le ntombazana yafumana umbhalo wencwadi ethi Ubutsha Bakho—Ukufumana Okona Kulungifeyo Kubo, Ibhala oku, “Yayibangel’ umdla ngokwenene, ngoko ndafuna ukufunda isahluko esithi ‘Ukukhulela Ebufazini.’ Andizange ndikwazi ukukukholelwa oko ndandikufunda kuba esi sahluko sachaza kanye indlela ebendivakalelwa ngayo kutshanje, saza sandinika isicombululo. Kwakukhuthaza gqitha ukufunda ukuba kwakuyinto eqheleke gqitha ukuvakalelwa ngale ndlela. Kuza kufuneka nje ndazi indlela efanelekileyo yokujongana nako.”

Ngaphandle kokunceda ulutsha ukuba luhlangabezane neemvakalelo zalo, le ncwadi ixubusha ngemibandela enjengokuphulula amaphambili yaye iphendula imibuzo ethi, Ngaba ulutsha lumele lusele iziselo ezinxilisayo? nethi, Ngaba lumele lube neentlobano zesini ngaphambi komtshato? Fumana umbhalo nge-R1,80 kuphela ngokuzalisa uze uthumele eli phetshana.

Khanindithumelele, iposi ihlawulelwe, incwadi eneqweqwe elilukhuni nenamaphepha ali-192 ethi Ubutsha Bakho—Ukufumana Okona Kulungileyo Kubo. Ndithumela i-R1,80.