Yabuyisela Imisesane Kwiminwe Yabo

“KHAWUJONGE iminwe yam. Ngaba kukho umahluko owubonayo?” Le ndoda yabonisa elinye ibhinqa isandla sayo, elinye lamaNgqina kaYehova, elasijonga laza ngokukhawuleza laphawula ukuba umsesane wayo womtshato awukho. Yachaza ukuba yona nomfazi wayo babengavani, yaye bagqiba kwelokuba bawuqhawule umtshato. “Hayi!” latsho eli Ngqina. “Thabatha le ncwadi uze uyifunde. Iya kukunceda emtshatweni wakho.” Ngoko, layinika umbhalo wencwadi esekelwe eBhayibhileni ethi Ulwazi Olukhokelela Kubomi Obungunaphakade.a

Kwiintsuku kamva le ndoda yabuyela kweli Ngqina yonwabile. Yalibonisa isandla sayo. Ngoku yayinxibe umsesane wayo womtshato. Yalixelela ukuba yona nomfazi wayo bayifundile incwadi ethi Ulwazi yaye ngoku bonwabile kakhulu. Le ncwadi yabuyisela ngokoqobo imisesane kwiminwe yabo.

Isiluleko seBhayibhile sinokunceda indoda nomfazi ukuba babonise uthando lokwenene omnye komnye. Oku kunjalo kuba akakho omnye umbhali weBhayibhile ngaphandle koMdali wethu, othi: “Mna, Yehova, ndinguThixo wakho, Lowo ukufundisa okuyingenelo kuwe, Lowo ukubangela unyathele endleleni ofanele uhambe ngayo.”—Isaya 48:17.

[Umbhalo osemazantsi]