Isiqinisekiso Sokuphuma Emagqabini

YILOO nto iAssociation of Congolese and African Journalists for the Development (AJOCAD) eDemocratic Republic of Congo enikela ngayo ukuze “ivuze abantu okanye iintlangano zasekuhlaleni eziye zanegalelo kuphuhliso [lwaseCongo].”

NgoNovemba 17, 2000, amaNgqina kaYehova afumana Isiqinisekiso Sokuphuma Emagqabini “ngokuba negalelo ekuphuhliseni abemi baseCongo ngemfundo nangemfundiso ekwiimpapasho zawo.”

Lithetha ngale mbasa, iphephandaba laseKinshasa iLe Phare lathi: “Kunzima ukudibana nommi waseCongo ongazange akhe alifumane iphephancwadi IMboniselo noVukani! okanye ezinye iimpapasho zamaNgqina kaYehova. La maphephancwadi [axubusha] zonke iinkalo zobomi.” Eli nqaku lachaza ukuba ezi mpapasho zibonisa “indlela yokuhlangabezana neengxaki zanamhlanje” zize zalathe “kwintsingiselo yokwenene yeziganeko zangoku.” Nganye inkupho kaVukani! “ihlala ingundilele kwezobupolitika yaye ayiphakamisi olunye uhlanga kunolunye.” Ngaphezu koko, ezi mpapasho zakha “intembelo kwidinga loMdali lehlabathi elinoxolo nelinonqabiseko esele liza kuthabathel’ indawo le nkqubo yezinto ikhoyo ingendawo nechas’ umthetho.”

Njengoko kuboniswa yiAJOCAD, iimpapasho zamaNgqina kaYehova ziye zaba yingenelo kubantu abaninzi baseCongo. Zifumaneka ngamakhulu eelwimi, isigidimi sazo esinik’ ithemba sinokuba yingenelo nakuwe.

Nceda ufunde ngezantsi ukuze ubone indlela onokungenelwa ngayo kuzo.