Olona Thando Lubalaseleyo

KWIZIHLANDLO ezininzi iZibhalo ZamaKristu ZesiGrike, okanye kwiTestamente Entsha, igama elithi “uthando” liyinguqulelo yegama lesiGrike elithi a·gaʹpe.

Icacisa oko kuthethwa leli binzana, incwadi ethi Insight on the Scripturesa ithi: “Igama elithi [a·gaʹpe] alithethi iimvakalelo nje, ezisekelwe kulwalamano ubani analo nomnye, njengokuba kucingwa njalo, kodwa luthando olunemigaqo olusekelwe kwisazela njengomgaqo, imbopheleleko, ukuziva unyanzelekile, ukufuna ngokunyanisekileyo ukwenzela abanye okulungileyo. Uthando olunjalo (a·gaʹpe) lubangela ubani athande iintshaba zakhe, nto leyo embangela ukuba angaze ayilahle imigaqo elungileyo aze ngandlel’ ithile aziphindezele.”

Kwakhona igama elithi a·gaʹpe lisenokuquka uthando olunzulu. Umpostile uPetros wabongoza esithi: “Yibani nothando [a·gaʹpe] olunzulu omnye ngomnye.” (1 Petros 4:8) Ngoko ke, kunokuthiwa igama elithi a·gaʹpe liquka uthando olusuka entliziyweni kungekhona engqondweni kuphela. Kutheni ungaqwalaseli ezinye izibhalo ezibonisa amandla nobubanzi bolu thando lubalaseleyo? Ezi zibhalo zilandelayo zisenokuba luncedo: Mateyu 5:43-47; Yohane 15:12, 13; Roma 13:8-10; Efese 5:2, 25, 28; 1 Yohane 3:15-18; 4:16-21.

[Umbhalo osemazantsi]