Isimemo . . .

Ngaba UThixo Usalawula?

IINTLEKELE zemvelo, izifo ezishiya ziqengq’ ugodo, ukonakala kwabasemagunyeni, abagrogrisi, iimfazwe nolwaphulo-mthetho. Ezi zizinto esiziva mihla le ezindabeni. Enoba zikhe zakwehlela ngokobuqu okanye akunjalo, zikwenza uzibuze ukuba lisinge phi na eli hlabathi kwanokuba kuya kuze kulunge kusini na.

Ukuze kuphendulwe loo mibuzo ixhalabisa abantu, kumazwe angaphezu kwama-200 ehlabathini lonke, amaNgqina kaYehova alungiselele intetho yesidlangalala efanelekileyo nefike ngexesha enomxholo othi “Ngaba UThixo Usalawula?” Iza kuxubusha ngoko kuthethwa nguThixo nangoko akuthembisayo kwiLizwi lakhe iBhayibhile, ngokuphathelele le mibuzo ibalulekileyo ithi:

Ngaba uThixo unomdla koko kwenzeka emhlabeni?

Uvakalelwa njani ngabantu?

Ngaba ukukhathalele?

Kwiindawo ezininzi, le ntetho iza kunikelwa ngeCawa, umhla ka-Aprili 30, 2006, kwiHolo YoBukumkani yamaNgqina kaYehova. AmaNgqina akwindawo ohlala kuyo aya kukuvuyela ukukuxelela ixesha neadresi yendawo ekuyo.

Umenywa ngokufudumeleyo ukuba ubekho kule ntetho ingahlawulelwayo isekelwe eBhayibhileni nelukhuthazo eya kuphendula ngendlela eyanelisayo umbuzo othi: Ngaba UThixo Usalawula?