Igama LikaThixo Kumculo WaseRashiya

NGOWE-1877, umqambi weengoma odumileyo waseRashiya uModest Mussorgsky waqamba iingoma ezisekelwe kwimbali yamazwe ekuthethwa ngawo eBhayibhileni. Wabhalela umhlobo wakhe wathi: “Ndiqambe ingoma ngesiganeko seBhayibhile enomxholo othi Jesus Navinus [UYoshuwa],” , yaye xa iyonke ndiyibhale ngokusuka eBhayibhileni, ndada ndakhuphela noloyiso lukaNavinus eKanan.” Kwezinye iingoma awaziqambayo, kuquka ethi “Ukutshatyalaliswa kukaSaneribhe,” uMussorgsky wasebenzisa imixholo yeBhayibhile kunye nabantu ekuthethwa ngabo eBhayibhileni.

Kuyabonakala ukuba, kwingoma ethi “Jesus Navinus,” nakuhlelo lwakhe lowe-1874 lwengoma ethi “Ukutshatyalaliswa kukaSaneribhe,” uMussorgsky usebenzisa igama likaThixo elikwiZibhalo ZesiHebhere apho libhalwe ngoonobumba abane—יהוה (YHWH)—nelivela izihlandlo ezingama-7 000, yaye ulibiza ngesiRashiya.

Ngoko ke, ezi ngoma zikaMussorgsky zibonisa ukuba igama likaThixo eliseBhayibhileni—uYehova—lalisaziwa eRashiya kude kudala ngaphambi kokuqalisa kwenkulungwane yama-20. Liyinyaniso elo, kuba uYehova waxelela uMoses oku: “Lilo elo igama lam kuse kwixesha elingenammiselo, yaye sisikhumbuzo sam eso kwizizukulwana ngezizukulwana.”—Eksodus 3:15.

[Umfanekiso okwiphepha 32]

ISt. Petersburg Conservatory ngowe-1913, apho agcinwe khona amazwi eengoma zikaMussorgsky

[Inkcazelo Ngemifanekiso ekwiphepha 32]

Sheet music: The Scientific Music Library of the Saint-Petersburg State Conservatory named after N.A. Rimsky-Korsakov; street scene: National Library of Russia, St. Petersburg