IWatchtower LAYBRARI EKWI-INTANETHI
IWatchtower
LAYIBRARI EKWI-INTANETHI
IsiXhosa
  • IBHAYIBHILE
  • IINCWADI
  • MEETINGS
  • w11 2/15 iphe. 11
  • Soze Nizisole Ngokulwenza!

No video available for this selection.

Sorry, there was an error loading the video.

  • Soze Nizisole Ngokulwenza!
  • IMboniselo Evakalisa UBukumkani BukaYehova—2011
  • Amanqaku Afanayo
  • Oonodoli Asizonto Nje Zokudlala
    Vukani!—2008
  • Icebiso Lezinto Onokuzifunda
    IMboniselo Evakalisa UBukumkani BukaYehova (Efundwayo)—2023
  • Bazali—Zikhetheni Ngobulumko Izinto Zokudlala Zomntwana Wenu
    Vukani!—1994
  • Ucwangciso Lwentsapho—Isifundo Sentsapho
    Ubulungiseleli Bethu BoBukumkani—2005
Khangela Okunye
IMboniselo Evakalisa UBukumkani BukaYehova—2011
w11 2/15 iphe. 11

Soze Nizisole Ngokulwenza!

UNQULO LWENTSAPHO nesifundo seBhayibhile zibalulekile ukuze abantwana bakhuliselwe “kwingqeqesho nasekweyiselweni kwengqondo kuYehova.” (Efe. 6:4) Noko ke, njengomzali uyazi ukuba abantwana badikwa msinya. Unokuyithimba njani ingqalelo yabo? Khawucinge ngoko kuye kwenziwa ngabanye abazali.

UGeorge waseKhalifoniya, eUnited States, uthi: “Xa abantwana bethu babesebancinane mna nenkosikazi yam sazama ukugcina isifundo sentsapho sibangel’ umdla. Ngamany’ amaxesha sasinxiba njengabalinganiswa beBhayibhile size silinganise ingxelo ethile esiyifunde kwiNcwadi Yam Yamabali EBhayibhile. Saside senze nezinye izinto—amakrele, iintonga zobukhosi, iminyazi nezinye. Kwakhona sasidlala nomdlalo osekelwe eBhayibhileni othi ‘qashi-qashi ndingubani’ yaye sasisenza nomdlalo weBhayibhile onemibuzo elula nenzima. Sasisenza nemisebenzi, enjengokwakha into efana nomkhumbi kaNowa okanye sibhale iziganeko zeBhayibhile ngokwamaxesha okwenzeka kwazo. Maxa wambi sasiye sibe namaxesha okuzoba abantu okanye amabali ekuthethwa ngawo eBhayibhileni. Ngoku siceba ukuzoba isikrweqe sokomoya esichazwe kweyabase-Efese 6:11-17, aze ngamnye wethu acacise ukuba inxalenye nganye yaso imela ntoni na. Ezi ndlela zisincedile ukuba sisinandiphe isifundo sethu sentsapho.”

Umama waseMichigan, eUnited States, ogama linguDebi uthi: “Mna nomyeni wam sasinengxaki yokuthimba ingqalelo yomntwana wethu xa wayemalunga neminyaka emithathu ubudala. Kwandula ke, ngeny’ imini xa ndandifunda ngokuvakalayo ibali likaIsake noRebheka kwiNcwadi Yam Yamabali EBhayibhile, ndathatha oonodoli ababini ndaza ndabasebenzisa ukulinganisa eli bali. Wanikela ingqalelo kweli bali! Kwiinyanga ezalandelayo, abo nodoli babini ndabasebenzisa ekulinganiseni abantu abaninzi ekuthethwa ngabo eBhayibhileni. Emva kokuba sifunde ingxelo ethile, intwazana yethu yayikhangela izinto zokudlala okanye ezinye izinto endlwini ezazinokusetyenziswa ukulinganisa elo bali. Yayisiba ngathi izingela ubuncwane! Ibhokisi yezihlangu kunye nomtya obomvu zaba yindlu kaRahabhi nentambo engqombela. Inyoka yokudlala eyimitha enesiqingatha eyayibhijelwe kwintonga yomtshayelo yayimela inyoka yobhedu ekwiNumeri 21:4-9. Ezi zinto sasizigcina kwibhegi enkulu. Okwasivuyisayo kukuba, intwazana yethu yayidla ngokuhlala kwigumbi lokuhlala ize igoqulule ‘kwibhegi yayo yamabali eBhayibhile.’ Kuvuyisa ngokwenene ukuyibona ilinganisa loo mabali ngendlela yayo yobuntwana!”

Ukukhulisa abantwana akuyondlwan’ iyanetha. Abazali kufuneka bawufake kubantwana babo umnqweno wokukhonza uYehova. Kufuneka benjenjalo yonke imihla kwaye basebenzise iindlela ezahlukeneyo. Kodwa unqulo lwentsapho nesifundo seBhayibhile zinokuba sisiseko senye imfundiso yokomoya. Ngokuqinisekileyo soze nizisole ngokulwenza!

    Iimpapasho ZesiXhosa (1986-2025)
    Log Out
    Log In
    • IsiXhosa
    • Share
    • Zikhethele
    • Copyright © 2025 Watch Tower Bible and Tract Society of Pennsylvania
    • Imiqathango
    • Umthetho Wezinto Eziyimfihlo
    • Privacy Settings
    • JW.ORG
    • Log In
    Share