“Londoloza Intliziyo Yakho!”
Indibano Yesithili YamaNgqina KaYehova
UMXHOLO WANGOLWESIHLANU
“UYehova Yena, Ubona Oko Ikuko Intliziyo”—EYOKU-1 KASAMUWELI 16:7.
UMXHOLO WANGOMGQIBELO
“Umlomo Uthetha Ngokuphuphuma Kwentliziyo”—MATEYU 12:34.
UMXHOLO WANGECAWA
“Mkhonze UYehova Ngentliziyo Epheleleyo”—EYOKU-1 YEZIKRONIKE 28:9.
IBhayibhile ikhankanya intliziyo izihlandlo eziphantse zibe liwaka. Kwiimeko ezininzi, iZibhalo zithetha, ngentliziyo yokomfuziselo kungekhona intliziyo yokoqobo. Yintoni intliziyo yokomfuziselo? Eli gama linokubhekisela kubuntu bangaphakathi bukabani—izinto azicingayo, iimvakalelo neminqweno yakhe.
Kutheni sifanele siyilondoloze intliziyo yethu yokomfuziselo? UThixo washukumisela uKumkani uSolomon ukuba abhale la mazwi: “Ngaphezu kwako konke okunye okumele kulondolozwe, londoloza intliziyo yakho, kuba iphuma kuyo imithombo yobomi.” (IMizekeliso 4:23) Umgangatho wokuphila wobomi bethu ngoku kunye namathemba esinawo ngobomi kwikamva axhomekeke kwimeko ekuyo ngoku intliziyo yethu yokomfuziselo. Kutheni kunjalo? Kuba uThixo uyakubona oko kusentliziyweni. (1 Samuweli 16:7) Ngumntu esinguye ngaphakathi, ‘umntu ofihlakeleyo wentliziyo,’ obangela uThixo agqibe ngendlela avakalelwa ngayo ngathi.—1 Petros 3:4.
Singayilondoloza njani intliziyo yethu? Lo mbuzo uza kuphendulwa kwiiNdibano eziza kuqhutywa ngamaNgqina kaYehova ehlabathini ekuqaleni kwale nyanga.
Uyamenywa ngokufudumeleyo ukuba ubekho kuzo zontathu ezo ntsuku zendibano.a Oya kukufunda apho kuya kukunceda usabele ngendlela eya kuvuyisa intliziyo kaThixo.—IMizekeliso 27:11.
[Umbhalo osemazantsi]
a Ukuze uyazi indibano eza kuba kufutshane kuwe, nceda uye kwiwebhusayithi i-www.pr2711.com. Usenokubuza nakumaNgqina kaYehova akwindawo ohlala kuyo okanye ubhalele abapapashi beli phephancwadi.
[Inkcazelo Ngomfanekiso okwiphepha 32]
Ifoto engasekunene: Aus dem Fundus der MÜNCHNER OLYMPIAPARK GMBH, München