IZaziso

● Umnikelo woncwadi ngoJulayi nangoAgasti: Nayiphi na incwadana enemifanekiso enamaphepha angama-32, ngaphandle kwethi Isikolo ngomnikelo wama-75c. NgoSeptemba: Unokuphila Ngonaphakade KwiParadisi Esemhlabeni ngomnikelo wee-R7,50. Iincwadi ezincinane zii-R3,75. Ngo-Oktobha: Umrhumo kaVukani! ngomnikelo wee-R6,00 okanye weMboniselo ngomnikelo wee-R12,00 okanye yomibini ngee-R18,00.

● Nabani na oceba ukuqalisa inkonzo yobuvulindlela obuthe ngxi ngoSeptemba 1, 1990, ufanele azalise isicelo ngokukhawuleza aze asidlulisele kubadala ukuze basihlole. Sakuba isicelo samkelwe saza satyobelwa yiKomiti Yenkonzo Yebandla, sifanele sithunyelwe kuMbutho ekuqaleni kuka-Agasti. Ngokuzithumela kwangethuba izicelo ezinconyelweyo, kunokuphetshwa ukunconyelwa kwabathile ngemva kwexesha abaqalisa ngalo.—Bona isihlomelo soBulungiseleli Bethu BoBukumkani buka-Agasti 1986, isiqendu 21-26.

● Amabandla akhunjuzwa ukuba aodole isixa esaneleyo seefomu zonyaka wenkonzo wowe-1991. Ezi fomu azimele zisetyenziswe kakubi. Zimele zisetyenziselwe injongo yazo kuphela.

● Kufanele kuodolwe amaqweqwe eebheji zendibano yesithili yowe-1990 yaye ityala lawo liya kuqukwa kwityala leencwadi ngexabiso lee-5c lilinye. Amabandla angenalo ityala okanye anetyala elijingayo afanele aodole ngekheshi. Ncedani niodole izixa ngokomlinganiselo wama-20 ukuba kunokwenzeka. Amaqweqwe eebheji akho ngesiBhulu, ngesiNgesi, ngesiSuthu, ngesiXhosa nangesiZulu. Ncedani nithumele iodolo yenu ngaphandle kokulibazisa.

● Ukususela ngoSeptemba, abaveleli besiphaluka baya kunikela intetho yesidlangalala ethi “Ukuhlala Siphaphile Kwihlabathi Elonakeleyo.”

● Ekubeni kukho abadala abambalwa eNamibia, abadala abanokuhlengahlengisa imicimbi yabo bayamenywa ukuba baye kwiNdibano Yesithili yowe-1990 “Yentetho Enyulu” eWindhoek. Kule ndibano kulungiselelwa ucwangciso lwesiPhuthukezi yaye kumenywa abadala abathetha isiPhuthukezi ukuba baye khona. Sikwamema abadala abathetha isiPhuthukezi ukuba bacingisise ngokuya kwindibano yesithili yaseMaputo, eMozambique, eya kuba ngoDisemba 29 ukusa kuJanuwari 1, 1991. Ekubeni ezinye iintetho ziya kunikelwa ngesiNgesi kwindibano yesithili yaseGaborone, eBotswana, simema abadala abathetha isiNgesi ukuba bacingisise ngokuya kule ndibano. Ukuba ukulungele ukuya kuyo nayiphi na yezi ndibano zikhankanywe ngasentla, nceda ubhalele uMbutho ngokukhawuleza kangangoko kunokwenzeka.