IZaziso
● Umnikelo woncwadi ngoJulayi nangoAgasti: Nayiphi na yezi ncwadana zinemifanekiso zinamaphepha angama-32 zilandelayo ngomnikelo wama-75 eesenti inye: Ngaba Ufanele Ukholelwe KuBathathu Emnye?, Igama LikaThixo Eliya Kuhlala Likho Ngonaphakade, “Uyabona, Izinto Zonke Ndizenza Ntsha,” nethi Bunandiphe Ubomi Emhlabeni Ngonaphakade! NgoSeptemba: Unokuphila Ngonaphakade KwiParadisi Esemhlabeni ngomnikelo wee-R7,50. Iincwadi ezincinane zii-R3,75. Ngo-Oktobha: Umrhumo kaVukani! ngomnikelo wee-R8,00 okanye weMboniselo ngomnikelo wee-R16,00 okanye yomibini. Umrhumo wonyaka kwiinkupho zakanye ngenyanga nomrhumo weenyanga ezintandathu kwiinkupho zakabini ngenyanga zii-R8,00.
● Amabandla anqwenela ukutshintsha ucwangciso lwamaxesha awo eentlanganiso afanele akwenze oko ngoSeptemba 1. Kufanele kwenziwe ucwangciso olutsha kuze kwenziwe isaziso kuloo mabandla. Onke loo mabandla afanele azise uMbutho ngocwangciso lwawo olutsha lweentlanganiso kungekhona ngemva kuka-Agasti 6.
● Kuya kwenziwa ushwankathelo lweSifundo seMboniselo seveki kucwangciso lweNdibano Yesithili “Yabathandi Benkululeko.” Ngaloo ndlela, abazalwana abasayi kuphoswa kukutya kokomoya okucwangciselwe iveki yendibano. Nonke niyakhuthazwa ukuba nihambisane nesithethi kwimibhalo yenu yobuqu yeMboniselo.
● Ekubeni indibano kulo nyaka iya kuba yeyeentsuku ezintathu, akukho mfuneko yokusirhoxisa iSifundo Sencwadi Sebandla seveki yendibano.
● Amabandla akhunjuzwa ukuba aodole isixa esaneleyo seefomu zonyaka wenkonzo wowe-1992. Ezi fomu zimele zisetyenziswe ngenyameko. Zifanele zisetyenziselwe kuphela injongo yazo.
● Kufanele kuodolwe amaqweqwe eebheji zendibano yesithili yowe-1991 yaye imali yawo iya kuqukwa kwityala loncwadi ngexabiso leesenti ezi-5 ngeqweqwe ngalinye. Amabandla angavulanga tyala okanye anetyala elijingayo afanele aodole ngekheshi. Ncedani niodole ngezixa zama-20 ukuba kunokwenzeka. Amaqweqwe eebheji afumaneka ngesiBhulu, isiNgesi, isiPhuthukezi, isiSuthu, isiXhosa nesiZulu. Ncedani niyithumele iodolo yenu ngaphandle kokulibazisa.
● Ncedani niphawule oku: Ngaphambi kokuba ibandla lifumane isiza seHolo yoBukumkani lifanele liqhagamshelane neKomiti Yokwakha Yenqila. Kwakhona le komiti ifanele ibandakanywe ngaphambi kokuba kuzotywe iiplani zokwakha, ingakumbi ukuba kubandakanyeke imali-mboleko yoMbutho.
● Iimpapasho Ezintsha Ezifumanekayo:
Insight on the Scriptures, Umqulu 2 (ibandla nowonke wonke: R18,25; oovulindlela: R15,50)—IsiTaliyane