IZaziso

◼ Uncwadi oluya kusetyenziswa ebudeni bukaSeptemba: Unokuphila Ngonaphakade KwiParadisi Esemhlabeni ngomnikelo wee-R9,00. Ezincinane zii-R4,50. Ngo-Oktobha: Umrhumo kaVukani! okanye weMboniselo ngomnikelo wee-R19,00 kwiinkupho zakabini ngenyanga. Umrhumo wonyaka kwiinkupho zakanye ngenyanga nomrhumo weenyanga ezintandathu kwiinkupho zakabini ngenyanga zii-R9,50. NgoNovemba: IBhayibhile—Ngaba Ililizwi LikaThixo Okanye Lomntu? ngomnikelo wee-R3,00. NgoDisemba: Oyena Mntu Ubalaseleyo Wakha Waphila ngomnikelo wee-R9,00.

◼ Umveleli owongamelayo okanye uthile owabelwe nguye ufanele ahlolisise ingxelo yemali yebandla ngoSeptemba 1 okanye ngokukhawuleza kangangoko kunokwenzeka emva koko. Yenza isaziso ebandleni xa oku kwenziwe.

◼ Koonobhala bamabandla. Xa nibhalela uMbutho mayela nengxelo yemali, iodolo yamaphephancwadi, iodolo yoncwadi, ingxelo yenkonzo yasentsimini, imibuzo ngemirhumo, ngamaxesha onke yichazeni inombolo yebandla lenu. Kwakhona, ncedani niqinisekise ukuba loo nombolo ibhalwe kwindawo elungiselelwe yona kwiifomu. Ukuba aninazo iifomu zoMbutho, ncedani niziodole.

◼ Ukususela kuNovemba 8, 1993, kuse kuMeyi 2, 1994, kwiSifundo Sencwadi Sebandla kuya kufundwa incwadi ethi Ukwenza Ubomi Bentsapho Yakho Bonwabe.

◼ NgoMgqibelo, ngo-Oktobha 9, 1993, ikhaya laseBheteli nomzi-mveliso ziya kuvalwa ukwenzela ukucoca, ngoko akuyi kubakho malungiselelo okhenketho.

◼ Abavakalisi abaceba ukuba ngoovulindlela abangabancedani ngo-Oktobha bafanele bangenise izicelo zabo kuselithuba. Oku kuya kwenza abadala bakwazi ukwenza amalungiselelo afunekayo oncwadi nentsimi.

◼ Kukhunjuzwa abadala ukuba balandele isiluleko esinikelwe kwiphepha 21-3 leMboniselo ka-Aprili 15, 1991 ngokuphathelele nabaphi na abantu abasusiweyo kubudlelane okanye abazahluleyo abasenokuba batyekele ekubuyiselweni.

◼ Amabandla afanele aqalise ukuodola IKhalenda YamaNgqina KaYehova Yowe-1994 kunye neodolo yawo yoncwadi kaSeptemba. Iikhalenda ziya kufumaneka ngesiBhulu, isiFrentshi, isiGrike, isiJamani, isiNgesi, isiPhuthukezi, isiSuthu, isiTaliyane, isiTshayina, isiXhosa nesiZulu.