Impinda YeSikolo Sobulungiseleli Sobuthixo

Impinda zivaliwe iincwadi kumbandela ogutyungelwe kwizabelo zeSikolo Sobulungiseleli Sobuthixo ngeveki kaJanuwari 1 kuse kweka-Aprili 22, 1996. Sebenzisa iphepha elahlukileyo ukuphendula imibuzo emininzi kangangoko unako ngexesha elimiselweyo.

[Phawula: Ebudeni bexesha lempinda ebhalwayo, kunokusetyenziswa iBhayibhile kuphela ekuphenduleni nawuphi na umbuzo. Iimbekiselo ezilandela imibuzo zilungiselelwe ukuba wenze uphando lobuqu. Iinombolo zamaphepha nezeziqendu zisenokungabonakali kuzo zonke iimbekiselo zeMboniselo.]

Phendula nganye kwezi nkcazelo zilandelayo ngokuthi Yinyaniso okanye Bubuxoki:

1. Injongo yeSikolo Sobulungiseleli SoBukumkani kukulungiselela amadoda ukuba amiselwe njengabalungiseleli. [jv-XO iphe. 231 isiqe. 4]

2. IZibhalo ziluleka izibini ukuba zahlukane phantsi kweemeko ezithile. [td-XO 39A]

3. Nangona uMthetho kaMoses waphelelwayo, iBhayibhile ayinanto iyithethayo mayela nokuqukwa kweMithetho Elishumi koko kwabhangayo. [rs-XO iphe. 312 isiqe. 2]

4. Ukuma kwethu kutofelo-gazi kusekelwe kulwazi lwethu oluphangaleleyo ngezonyango. [jv-XO iphe. 186 isiqe. 2]

5. Umnqophiso okhankanywe kuYeremiya 31:31, 33 ubhekisela kumnqophiso woBukumkani owenziwa nguYesu nabalandeli bakhe abathanjisiweyo. [si-XO iphe. 129 isiqe. 38]

6. Incwadi yeZililo iqulethe uncuthu lwemibongo emihlanu, emine kuyo luhlobo lwe-acrostic. [si-XO iphe. 130 isiqe. 6]

7. Emva kovuko lwakhe uYesu wabonakala izihlandlo ezininzi—kodwa ebonakala kubafundi bakhe kuphela. [rs-XO iphe. 368 isiqe. 2]

8. AmaKristu okwenyaniso angena ekuphumleni kukaThixo ngokuba nokholo kwidini likaKristu nangokulahla imisebenzi azama ukuzithethelela ngayo. (Heb. 4:10) [rs-XO iphe. 314 isiqe. 1]

9. Amazwi akwiSityhilelo 20:5, mayela nokudla ubomi ‘kwabafileyo abaseleyo,’ abhekisela kuvuko lwasemhlabeni lwezinye izimvu. [rs-XO iphe. 372 isiqe. 4–iphe. 373 isiqe. 2]

10. AmaNgqina kaYehova abona ubungqina obungenakuphikiswa bokuba intlangano akuyo asiyoyabantu kodwa yekaThixo yaye uNyana kaThixo, uYesu Kristu, uyayalathisa. [jv-XO iphe. 235 isiqe. 5]

Phendula le mibuzo ilandelayo:

11. Xa iThe Watchtower kaJuni 1, 1938, yayibhekisela ‘kuMbutho’ yayithetha ukuthini? [jv-XO iphe. 219 isiqe. 2]

12. Kwakutheni ukuze amaNgqina kaYehova aseJamani angavumi ukuthi: “Heil Hitler”? [jv-XO iphe. 196 isiqe. 1]

13. Yintoni esiyifundayo ngeempawu zikaYehova xa sifunda incwadi yeZililo? (IZili. 3:22, 23, 32) [si-XO iphe. 132 isiqe. 13, 15]

14. Liliphi ibinzana elisetyenziswa ngokufuthi xa kubhekiselwa kuHezekile nakuYesu Kristu? [si-XO iphe. 133 isiqe. 2]

15. Kutheni kufanelekile ukukholelwa ekubeni abo bavuselwa ebomini emhlabeni baya kugwetywa ngenxa yezenzo zabo zexa elizayo? (Roma 6:7) [rs-XO iphe. 372 isiqe. 2]

16. UPawulos, uTimoti noTito bawomeleza njani amabandla ababewakhonza, ngaloo ndlela bemisela umzekelo abaveleli abahambahambayo namhlanje? [jv-XO iphe. 222 isiqe. 1]

17. Kutheni sinokutsho ngokuchanileyo nje ukuthi iziganeko ezihlobene nobukho bukaKristu zenzeka kwithuba leminyaka emininzi? (Mat. 24:37-39) [rs-XO iphe. 94 isiqe. 1]

18. Yiyiphi inkolelo eyaphenjelelwa yindlela eguqulelwe ngayo eyabaseRoma 13:1 kwiKing James Version eyenza aBafundi beBhayibhile bangabulondolozi ngokupheleleyo ubundilele babo maxa wambi emva phayaa ngowe-1918? [jv-XO iphe. 191 isiqe. 3, 4]

19. Ngaphambi kokuba kutyikitywe iSivumelwano saseVersailles ngoJuni 1919, lathini iBhunga Elimanyeneyo LeeCawa ZikaKristu zaseMerika? [jv-XO iphe. 192 isiqe. 3]

20. Kutheni amaKristu engenanto yakwenza nokugcina usuku lweSabatha yeeveki ngeeveki? (Roma 10:4) [rs-XO iphe. 309 isiqe. 4–iphe. 310, isiqe. 1]

Fakela igama (amagama) okanye ibinzana elifunekayo ukuze ugqibezele inkcazelo nganye kwezi zilandelayo:

21. UEbhedi-meleki wafanekisela kwangaphambili ․․․․․․․․, esiya kusindiswa e․․․․․․․․ ngenxa yokuba siye sangabahlobo saza sanceda ․․․․․․․․ yabazalwana bakaKristu. [Ufundo lweBhayibhile lweeveki ngeeveki; bona w83-XO 4/1 iphe. 27 isiqe. 11 (w82 10/1 iphe. 27 isiqe. 11).]

22. Ukufa kukaYesu Kristu kukhunjulwa nyaka ngamnye ngo ․․․․․․․․, kodwa kusemva kowe-․․․․․․․․ kuphela awathi amalungu esihlwele esikhulu amenywa ngokukhethekileyo ukuba abekho kwesi Sikhumbuzo. [jv-XO iphe. 242 isiqe. 2, iphe. 243 isiqe. 2]

23. Iziganeko ezichazwe kuYeremiya 52:5-11 zehla ngowama-․․․․․․․․ B.C.E. [Ufundo lweBhayibhile lweeveki ngeeveki; bona w88-XO 4/1 iphe. 14 isiqe. 18.]

24. Xa ISityhilelo 1:7 sisithi akuba uKristu ebuyile ‘aya kumbona amehlo onke,’ asibhekiseli ekumboneni ․․․․․․․․, kodwa sibhekisela ․․․․․․․․ ngengqondo. [rs-XO iphe. 96 isiqe. 1]

25. Emva kovuko lwakhe uYesu wayengasoloko ebonakala ․․․․․․․․ ofanayo, mhlawumbi ukuze abethelele ezingqondweni zabafundi bakhe ukuba waye ․․․․․․․․, ibe azizange ․․․․․․․․ ngokukhawuleza kwanezinxulumani zakhe ezisondeleyo. [rs-XO iphe. 369 isiqe. 1]

Khetha impendulo echanileyo kwinkcazelo nganye kwezi zilandelayo:

26. Ubomi basezulwini buya kufunyanwa ngabo bakumzimba kaKristu ngaphandle (kuka-Andreya; kukaYohane umBhaptizi; kukaYakobi). [td-XO 6B]

27. Inyathelo elibalulekileyo ekulungelelaniseni amabandla ngokuvisisana nendlela ababesenza ngayo abapostile lathatyathwa (ngowe-1879; ngowe-1886; ngowe-1895) xa uMzalwan’ uRussell wabhala ngemfuneko yokumisela (ii-colporteurs; abadala; izicaka zabazalwana) kuwo onke amaqela (amabandla) ukuze bavelele umhlambi. [jv-XO iphe. 206 isiqe. 2]

28. Imilinganiselo yokuziphatha eyayiquka iMithetho Elishumi, ayizange ibhange noMthetho kaMoses, kuba kwilungiselelo lamaKristu, (abantu babeya kuzenzela eyabo imilinganiselo yokuziphatha; abantu bafanele bakhokelwe zizazela zabo; uninzi lwemilinganiselo yokuziphatha kwiMithetho Elishumi yaphinda yachazwa kwiZibhalo zamaKristu zesiGrike). [rs-XO iphe. 313 isiqe. 1]

29. UYehova ‘wamrhwebesha’ uYeremiya kuba (wamqhatha wamenza washumayela isigidimi somgwebo; wamsebenzisela ukuphumeza oko wayengenakukwenza ngawakhe amandla; akazange ayizise intshabalaliso eyaprofetwa nguYeremiya). (Yer. 20:7) [Ufundo lweBhayibhile lweeveki ngeeveki; bona w89-XO 5/1 iphe. 31.]

30. NgoAprili 23, 1900, iofisi yesebe yokuqala yeWatch Tower Society yasekwa (eOstreliya; eNgilani; eJamani). [jv-XO iphe. 210 isiqe. 2]

Ngqinelanisa ezi zibhalo zilandelayo neenkcazelo ezidweliswe ngezantsi:

Tito 2:4; Yer. 23:33; 32:9, 10; 1 Tim. 3:2, 3, 8; Heb. 10:23-25

31. Kwanaxa iimeko zikwenza kube nzima, amaNgqina kaYehova azabalazela ukuya rhoqo kwiintlanganiso zawo. [jv-XO iphe. 236 isiqe. 1]

32. Yimbopheleleko yabazali abangamaKristu ukubonisa uthando kubantwana babo, bebanika ixesha nengqalelo. [td-XO 39C]

33. Ukungabusebenzisi ngobungcathu utywala kunokumenza umzalwana angakufanelekeli ukufumana amalungelo ebandleni. [jv-XO iphe. 182 isiqe. 4]

34. Isigidimi esinamandla sesiprofeto esivela kwiLizwi likaThixo sizaliswe ngumgwebo, sivakalisa intshabalalo esondeleyo yeNgqobhoko. [Ufundo lweBhayibhile lweeveki ngeeveki; bona w94-XO 3/1 iphe. 12 isiqe. 18, 20.]

35. Xa uqalisa ishishini nabanye abanquli bakaYehova, isivumelwano esibhaliweyo sinokuthintela ukungaqondani okusenokuvela ethubeni. [Ufundo lweBhayibhile lweeveki ngeeveki; bona w95-XO 5/1 iphe. 30.]