Iindaba EzingokobuThixo
EMzantsi Afrika: Kuyasivuyisa ukunazisa ukuba okwangoku ziiHolo zoBukumkani ezili-11 eziye zanikezelwa kulo nyaka wenkonzo, ezizezi: eBuccleuch (eRhawutini), eDurbanville, Ekangala (eBronkhorstspruit), Ethwathwa (eBenoni), eLamontville (eThekwini), eLouis Trichardt, eMahalapye (eBotswana), kwaMasele (eQonce), eWeltevrede (eMarble Hall), eMariannhill (ePinetown) naKwa-Mashu (eThekwini).
Ngenene esi sisiqalo esihle sonyaka wenkonzo we-1996. Sithanda ukukhuthaza bonke abo bangamatsha-ntliziyo baqhubeke ngenkxaso yabo entle abayinikela kwiiKomiti Zokwakha Zenqila ezingama-23.
Iminikelo yenu yemali nayo ixatyiswa kakhulu. Sithanda ukucela abadala ukuba baqinisekise ukuba kukho ibhokisi ebhalwe ngokucacileyo yeminikelo Yengxowa-mali Yombutho Yokwakhiwa KweeHolo ZoBukumkani. UMbutho uya kubhala ileta ngazo zonke iinyanga ubulela iminikelo eya kule ngxowa-mali yaye ifanele ifundwe ebandleni.