Izaziso

◼ Umnikelo woncwadi NgoFebruwari: Imfihlelo Yolonwabo Lwentsapho ngomnikelo wee-R5,00 enoqweqwe olulukhuni ize ibe zii-R3,75 enoqweqwe oluthambileyo okanye naziphi na iincwadi ezindala ezinamaphepha ali-192 eninazo esitokhweni ngomnikelo we-R1,00. NgoMatshi: Ulwazi Olukhokelela Kubomi Obungunaphakade ngomnikelo wee-R5,00 enoqweqwe olulukhuni ize ibe zii-R3,75 enoqweqwe oluthambileyo okanye naziphi na iincwadi ezindala ezinamaphepha ali-192 eninazo esitokhweni ngomnikelo we-R1,00. Kuya kwenziwa umgudu okhethekileyo wokuqalisa izifundo zeBhayibhile zasekhaya ngencwadi ethi Ulwazi. NgoAprili nangoMeyi: Iinkupho zeMboniselo noVukani! Yiba nencwadana enemifanekiso ethi Okufunwa NguThixo ukuze uyinike abantu abanomdla, uze uzame ukuqalisa izifundo zeBhayibhile zasekhaya.

◼ Kwiveki eqala ngoMatshi 22, 1999, kwiSifundo Sencwadi Sebandla kuya kube kufundwa incwadi ethi Oyena Mntu Ubalaseleyo Wakha Waphila. Le nkupho yoBulungiseleli Bethu BoBukumkani iqulethe ucwangciso olupheleleyo lwesifundo. Unokulukhuphela uze ulufake kumbhalo wakho wobuqu wencwadi ukuze ulufumane lula. Ulwalathiso ngendlela eza kuhlolisiswa ngayo intshayelelo yale ncwadi luchazwe kwisiqendu 5 kwelithi “Ukufundisisa Incwadi ethi Oyena Mntu Ubalaseleyo Wakha Waphila” kwiphepha 1 loBulungiseleli Bethu BoBukumkani bukaSeptemba 1992.

◼ Amabandla afanele abhale iNombolo Yebandla kuzo zonke imbalelwano noMbutho, ekubeni kuninzi lweenkqubo zekhompyutha zethu kufuneka le nombolo. Intsebenziswano yenu koku ixatyiswa kakhulu.

◼ Unobhala nomveleli wenkonzo bafanele bahlolisise wonke umsebenzi wabo bonke oovulindlela abathe ngxi. Ukuba nabaphi na banengxaki yokuzalisa isisikelo seeyure, abadala bafanele balungiselele ukuba kunikelwe uncedo. Ngokuphathelele amacebiso, hlolisisa iileta iiS-201 zoMbutho zaminyaka le zomhla kaOktobha 1. Bona nesiqendu 12-20 sesihlomelo soBulungiseleli Bethu BoBukumkani buka-Agasti 1986.

◼ UMbutho umema abadala neentsapho zabo ukuba benze isicelo sokuba zindwendwe kwindibano yesithili yaseSt. Helena ngoDisemba 1999. Ukuba unomdla, nceda ubhale ileta, ize ityobelwe yikomiti yenu yenkonzo, uze uyithumele kuMbutho ngokukhawuleza kangangoko kunokwenzeka. Ukuba uyamkelwa, siya kukuthumelela iinkcukacha ezingakumbi. Inqanawa induluka eKapa ngoNovemba 27 yaye iya kubuya malunga noDisemba 22, nto leyo eya kwenza uhlale iintsuku ezinokuba li-15 kwesi siqithi.

◼ Iimpapasho Ezintsha Ezifumanekayo:

Is There A Creator Who Cares About You? (ibandla nowonke wonke: R3,75; oovulindlela: R2,50)—NgesiBhulu, ngesiDatshi, ngesiFrentshi, ngesiGrike, ngesiJamani, ngesiNgesi, ngesiPhuthukezi, ngesiPolish, ngesiTaliyane

Kwenzeka Ntoni Kuthi Xa Sisifa? (ibandla nowonke wonke: R1,20; oovulindlela: R0,80)—NgesiBhulu, ngesiChichewa, ngesiDatshi, ngesiFrentshi, ngesiGrike, ngesiJamani, ngesiNgesi, ngesiPedi, ngesiPhuthukezi, ngesiPolish, ngesiShona, ngesiSuthu, ngesiSwahili, ngesiTaliyane, ngesiTshayina, ngesiTsonga, ngesiTswana, ngesiVenda, ngesiXhosa nangesiZulu

◼ Iikhasethi Zevidiyo Ezintsha Ezifumanekayo:

Noah—He Walked With God (ibandla nowonke wonke: R55,00; oovulindlela: R45,00)—ngesiNgesi