Izaziso

◼ Umnikelo woncwadi NgoMatshi: Ulwazi Olukhokelela Kubomi Obungunaphakade ngomnikelo wee-R5,00 enoqweqwe olulukhuni ize ibe zii-R3,75 enoqweqwe oluthambileyo okanye naziphi na iincwadi ezindala ezinamaphepha ali-192 eninazo esitokhweni ngomnikelo we-R1,00. Kuya kwenziwa umgudu okhethekileyo wokuqalisa izifundo zeBhayibhile zasekhaya ngencwadi ethi Ulwazi. NgoAprili nangoMeyi: Iinkupho zeMboniselo noVukani! Yiba nencwadana enemifanekiso ethi Okufunwa NguThixo ukuze uyinike abantu abanomdla, uze uzame ukuqalisa izifundo zeBhayibhile zasekhaya. NgoJuni: Ulwazi Olukhokelela Kubomi Obungunaphakade ngomnikelo wee-R5,00 enoqweqwe olulukhuni ize ibe zii-R3,75 enoqweqwe oluthambileyo.

◼ Abavakalisi abanqwenela ukukhonza njengoovulindlela abangabancedani ngoAprili nangoMeyi bafanele bacwangcise ngoku baze badlulisele izicelo zabo kwangethuba. Oku kuya kunceda abadala ukuba benze amalungiselelo ayimfuneko enkonzo yasentsimini yaye babe nesixa esaneleyo samaphephancwadi nolunye uncwadi. Amagama abo bonke abanconyelwe ukuba bakhonze njengoovulindlela abangabancedani afanele aziswe ibandla.

◼ Umveleli owongamelayo okanye uthile owabelwe nguye ufanele ahlolisise ingxelo yemali yebandla ngoMatshi 1 okanye ngokukhawuleza kangangoko kunokwenzeka emva koko. Xa oku kwenziwe, yenza isaziso ebandleni emva kokwenziwa kwengxelo yemali elandelayo.

◼ Ngaba ukulungele ukukhonza apho imfuneko inkulu khona? Uludwe lweendawo lwakhutshwa kuBulungiseleli Bethu BoBukumkani bukaNovemba 1998. Ukuba unomdla yaye unokufumaneka, kuxubushe oko nabadala wandule ke ubhalele uMbutho.

◼ ISikhumbuzo siya kuba ngoLwesine, Aprili 1, 1999. Ukuba ibandla lenu ngokuqhelekileyo liba neentlanganiso ngoLwesine, zifanele zitshintshelwe kolunye usuku lweveki ukuba iHolo yoBukumkani iyafumaneka. Ukuba oku akunakwenzeka yaye iNtlanganiso yenu Yenkonzo iyachaphazeleka, iinxalenye ezisebenzisekayo kwibandla lenu zinokuqukwa kwenye iNtlanganiso Yenkonzo.

◼ Uhlelo lowe-1997 lweWatchtower Library kwiCD-ROM luyafumaneka ngoku ngesiFrentshi, ngesiNgesi, ngesiPhuthukezi, ngeSpanish nangesiTaliyane, ngexabiso lee-R51,00 kubavakalisi nakoovulindlela. Nceda ukhumbule ukuba ayisasazwa kuwonke wonke, ifanele ibekwe kwiithala leencwadi lesikolo, okanye inikwe abo babonakalisa umdla kumaNgqina kaYehova. IWatchtower Library lilungiselelo lamalungu ebandla kwaye ifumaneka ngebandla kuphela.

◼ Ukuze sinincede ngamalungiselelo okuya kwindibano yesithili yowe-1999, siyakuvuyela ukuninika imihla yazo engaqinisekiswanga.

DISEMBA 10-12:

EBisho (isiXhosa)

EBloemfontein (isiBhulu, isiNgesi, iSisuthu)

EKapa (isiBhulu, isiNgesi, iNtetho Yezandla, isiXhosa)

EPitoli (isiPedi, iSisuthu, isiTswana)

ESt. Helena (isiNgesi)

EWindhoek (isiBhulu/isiNgesi, isiKwanyama)

DISEMBA 17-19:

Empangeni (isiZulu)

EGaborone (isiNgesi, isiTswana)

EGeorge (isiBhulu/isiNgesi)

EKokstad (isiXhosa)

KwaManzini (isiNgesi, isiZulu)

EMaseru (iSisuthu)

EMgungundlovu (isiZulu)

ESoweto (isiZulu 1)

DISEMBA 24-26:

EBhayi (isiBhulu, isiNgesi)

EBhayi (isiXhosa)

KaNyamazane (isiZulu)

EPitoli (isiZulu)

ERhawutini (isiBhulu, isiNgesi, iNtetho Yezandla, isiPhuthukezi)

ESoweto (iSisuthu)

ESprings (iSisuthu, isiZulu)

EThekwini (isiNgesi, iNtetho Yezandla)

DISEMBA 31–JANUWARI 2, 2000:

E-Ermelo (isiZulu)

ELebowakgomo (iSipedi)

EMafikeng (isiTswana)

EMthatha (isiXhosa)

ENewcastle (isiZulu)

EPhalaborwa (isiTsonga)

ESoweto (isiZulu 2)

EThekwini (isiZulu)

EThohoyandou (isiVenda)