Izaziso
◼ Umnikelo woncwadi Ngo-Oktobha: Imibhalo yephephancwadi iMboniselo noVukani! Ukususela ngo-Oktobha 16, kuza kusasazwa iKingdom News No. 36, ethi “Iwaka Leminyaka Elitsha—Ikamva Likuphathele Ntoni?” NgoNovemba: Kuseza kuqhutyekwa kusasazwa iKingdom News No. 36. Amabandla aye ayigubungela intsimi yawo ngokuhambisela abaninimzi kwikhaya ngalinye umbhalo weKingdom News No. 36 asenokuhambisa incwadana enemifanekiso ethi Okufunwa NguThixo okanye incwadi ethi Ulwazi. Ukuba abantu sele benazo ezi, kunokusetyenziswa INguqulelo Yehlabathi Elitsha YeZibhalo ZamaKristu ZesiGrike. NgoDisemba: Ulwazi Olukhokelela Kubomi Obungunaphakade neNguqulelo Yehlabathi Elitsha. NgoJanuwari: Imfihlelo Yolonwabo Lwentsapho.
◼ Kule nkupho yoBulungiseleli Bethu BoBukumkani kukho “Ucwangciso LweSikolo Sobuthixo Sowama-2001” yaye lufanele lugcinwe ukuze kubhekiselwe kulo kuwo wonke owama-2001.
◼ Ukuba amaxesha eentlanganiso ebandla lenu aza kutshintsha ngoJanuwari 1, unobhala webandla ufanele azise uMbutho ngolo tshintsho ngokuthumela ifomu ethi Congregation Meeting Information (S-5). Ukuba kuyimfuneko, kusenokuodolwa izixa ezintsha zezimemo ngokuthumela Isicelo Sezimemo (S(d)-16). Izimemo zifanele zicelwe kwiiveki ezisibhozo ubuncinane ngaphambi kwexesha enizifuna ngalo.
◼ Ukususela kwiveki eqala ngoFebruwari 5, 2001 siza kuqwalasela incwadi ethi Iphulo Loluntu Lokufuna UThixo kwiSifundo Sencwadi Sebandla. Amabandla afuna izixa zezi ncwadi afanele aziodole kwiodolo yawo yoncwadi yenyanga ezayo.
◼ Amabandla afanele aqalise ukuodola umxholo wonyaka wowama-2001 neodolo yoncwadi ka-Oktobha. Ubiza iiR22,00 umnye yaye intlawulo iya kuvela kwisazisi senu senyanga. Xa nihlawula, sebenzisani ifomu Yokuthunyelwa Kweminikelo (S(d)-20) nize nibhale “Umxholo wonyaka” kumhlathi owahlukileyo. Umxholo wonyaka uza kufumaneka ngesiNgesi, ngesiSuthu, ngesiXhosa nangesiZulu. Amabandla afanele aodole umxholo wonyaka ube mnye kulwimi ngalunye. Kucetyiswa ukuba amabandla axhome umxholo omtsha wonyaka ngoJanuwari 1, 2001.
◼ Amabandla afanele aqalise ukuodola incwadana ethi Ukuhlolisisa IZibhalo Imihla Ngemihla—Yowama-2001 kwiodolo yawo yoncwadi ka-Oktobha. Ezi ncwadana ziya kufumaneka ngesiBhulu, ngesiChichewa, ngesiFrentshi, ngesiGrike, ngesiJapan, ngesiJamani, ngesiKwanyama, ngesiNgesi, ngesiPedi, ngesiPhuthukezi, ngesiPolish, ngesiShona, ngesiSuthu, ngesiTaliyane, ngesiTshayina, ngesiTsonga, ngesiTswana, ngesiVenda, ngesiXhosa, nangesiZulu. De zibe ziyafumaneka zize zithunyelwe ezi ncwadana, kuya kuthiwa “Zothunyelwa” kuludwe lwezinto ezithunyelwa emabandleni. Iincwadana ezithi Ukuhlolisisa IZibhalo zisisitokhwe esiqingqiweyo, nto leyo ethetha ukuba zifanele ziodolwe libandla kuphela xa kukho abantu abathile abazifunayo; isicaka soncwadi asinakuodolela ibandla isixa esikhulu. Ngaloo ndlela, kufanele kugcinwe ingxelo echanileyo yazo zonke iiodolo. (Bona Watch Tower-Isikhokelo Sokucela Uncwadi, Icandelo 3.)
◼ Umveleli owongamelayo ufanele athumele ingxelo Yesabelo Somhlaba Ongabelwanga Bani (S-91) nawo nawaphi na amava abangela umdla kuMbutho ngaphambi kukaNovemba 16, 2000. Qinisekisa ukuba kusetyenziswa isitampu esifanelekileyo ukuposa imvulophu enkulu.
◼ NgoMgqibelo, ngo-Oktobha 14, 2000, iKhaya laseBheteli kunye nomzi-mveliso ziza kuvalwa ukuze zicocwe. Ngoko akuyi kubakho malungiselelo okukhenketha ngolo suku.