Izaziso

◼ Ngo-Oktobha kuza kuhanjiswa: IMboniselo noVukani! Ukuba umninimzi unomdla, mnike incwadana enemifanekiso ethi Okufunwa NguThixo, uze uzame ngandlela zonke ukuqalisa isifundo seBhayibhile. NgoNovemba: Yintoni UThixo Ayifunayo Kuthi? okanye Ulwazi Olukhokelela Kubomi Obungunaphakade. Ukuba umntu sele enazo ezi ncwadi, kusenokuhanjiswa nayiphi na kwezindala. NgoDisemba: Oyena Mntu Ubalaseleyo Wakha Waphila. NgoJanuwari: Imfihlelo Yolonwabo Lwentsapho. Amabandla anencwadi ethi Iphulo Loluntu Lokufuna UThixo asenokuyihambisa nayo.

◼ Phakathi kwezihlomelo ezikobu Bulungiseleli Bethu BoBukumkani, kukho “Ucwangciso LweSikolo Sobulungiseleli Sobuthixo Sowama-2003” ibe lufanele lugcinwe ukuze lusetyenziswe ebudeni bowama-2003.

◼ Ukuba amaxesha eentlanganiso zebandla lenu aza kutshintsha ngoJanuwari 1, unobhala webandla ufanele azise iofisi yesebe ngolo tshintsho ngokuthumela ifomu ethi Congregation Meeting Information (S-5). Ukuba kuyimfuneko, kusenokuodolwa izixa ezitsha zezimemo ngokuthumela ifomu ethi Isicelo Sezimemo (S-16). Izimemo zifanele zicelwe kwiiveki ezisibhozo ubuncinane ngaphambi kwexesha enizifuna ngalo.

◼ Iofisi yesebe idla ngokuthumelela abaveleli abahambahambayo iileta ngedilesi yomveleli owongamelayo webandla abakulo okanye abaza kuya kulo kungekudala. Ezi leta ziqulethe umbandela oyimfihlo. Abaveleli abahambahambayo bathi maxa wambi bazifumana sele ziqhaqhiwe ezi leta. Ukuze ingaphindi yenzeke loo nto, umveleli owongamelayo ufanele azijonge ukuba zibhalelwe bani zonke iileta azifumanayo ngaphambi kokuba aziqhaqhe. Bafanele bakwenze oku ngokukodwa xa kusondela utyelelo lomveleli ohambahambayo. Nayiphi na ileta yomveleli ohambahambayo ifanele idluliselwe kuye ngokukhawuleza ingaqhaqhwanga.

◼ Amabandla afanele aqalise ukuodola umxholo wonyaka wama-2003 kwiodolo yawo yoncwadi kaOktobha. Ncedani niphawule: Imixholo yonyaka imele iodolwe nge-“Order Form for 2003 Yeartext” ethunyelwe kwibandla lenu. Uya kuthunyelwa kuphela lakuba libandla lenu liyihlawule iR22,00 yomxholo wonyaka ngamnye. Umxholo wonyaka uza kufumaneka ngesiBhulu, ngesiNgesi, ngesiSuthu, ngesiXhosa nangesiZulu. Amabandla anokucela umxholo wonyaka ube mnye kulwimi ngalunye. Kucetyiswa ukuba amabandla axhome umxholo omtsha wonyaka ngoJanuwari 1, 2003.

◼ Ncedani niphawule olu tshintsho kwiinombolo zethu zefax ukususela ngo-Oktobha 1, 2002:

Kuncwadi (011-761-1207)

KwiSebe Lenkonzo (011-761-1433)

Ncedani niphawule ukuba ifax ifanele isetyenziswe kumbandela ongxamisekileyo kuphela. Siyanikhuthaza nonke ukuba niqhubeke nithumela iiodolo zenu zoncwadi, iingxelo zebandla kunye nezinye izinto enifuna ukuziqonda ngeposi.

◼ Iikhasethi Zevidiyo Ezintsha Ezifumanekayo:

Respect Jehovah’s Authority—On Videocassette—Intetho Yezandla YaseMerika, isiNgesi