Okufanele Kukhunjulwe NgeSikhumbuzo

ISikhumbuzo salo nyaka singoLwesithathu, Aprili 16. Abadala bafanele banikele ingqalelo kule mibandela ilandelayo:

◼ Xa nibeka ixesha lale ntlanganiso, qinisekani ukuba imifuziselo ayiyi kuhanjiswa de kube semva kokutshona kwelanga.

◼ Bonke abantu, kuquka isithethi, bafanele baziswe ngexesha nendawo echanileyo esiza kuba kuyo iSikhumbuzo.

◼ Kufanele kufunwe isonka newayini efanelekileyo zize zilungiswe.—Bona IMboniselo kaFebruwari 15, 1985, iphepha 17.

◼ Kufanele kuziwe eholweni neepleyiti, iigilasi netafile efanelekileyo nelaphu layo kwangethuba zize zibekwe ngeendawo zazo.

◼ IHolo yoBukumkani okanye enye indawo eza kuqhutyelwa kuyo le ntlanganiso ifanele icocwe kakuhle kwangexesha.

◼ Kufanele kukhethwe abalindi nabo baza kuhambisa isonka newayini kwangethuba baze bayalelwe ngenkqubo efanelekileyo nangemisebenzi yabo nemfuneko yokunxiba nokuzilungisa ngendlela endilisekileyo.

◼ Kufanele kwenziwe amalungiselelo okusa isonka newayini kuye nabani na ongumthanjiswa ogulayo nongenakukwazi ukubakho.

◼ Ukuba umntu osusiweyo kubudlelane uthabatha imifuziselo, akanakubalwa kubantu abathabathayo, kodwa unokubalwa kubantu abezileyo.—Bona IMboniselo yesiNgesi kaFebruwari 1, 1976, iphepha 76.

◼ Xa amabandla aliqela eza kusebenzisa iHolo yoBukumkani enye, afanele alungelelaniswe kakuhle ukuze kuphetshwe ukuxinana okungeyomfuneko phambi kweholo, emnyango, kwiindledlana zikawonke-wonke nakwiindawo zokumisa iinqwelo-mafutha. Ukuba kunokwenzeka, kuya kuba kuhle ukuba elinye ibandla lingene emva kwemizuzu engama-45.