Ibhokisi Yemibuzo

◼ Ngaba sifanele silichaze ilungiselelo lomnikelo xa sinikela ubungqina ngemfonomfono?

Xa unikela ubungqina emntwini, unokumchazela ukuba umsebenzi wehlabathi lonke wokufundisa iBhayibhile wamaNgqina kaYehova uxhaswa ngokupheleleyo ngeminikelo yokuzithandela yaye siyakuvuyela ukwamkela iminikelo enjalo. Noko ke, asifanele sithethe ngeminikelo okanye ilungiselelo lomnikelo xa sinikela ubungqina ngemfonomfono, kuba oko kusenokuphazanyiswa nokungqiba ngemfonomfono. AmaNgqina kaYehova akashishini kwaphela ngobulungiseleli bawo.—2 Kor. 2:17.

◼ Xa sinikela ubungqina ngemfonomfono, sifanele senze ntoni xa umntu ecela ukuba amaNgqina kaYehova angaphindi amtsalele umnxeba?

Isicelo sakhe sifanele sihlonelwe. Kufanelwe kubhalwe ingxelo enomhla asenze ngawo esi sicelo nenegama lakhe ize ifakwe kwimvulophu enenkcazelo yentsimi ukuze abavakalisi bangaphindi bamtsalele umnxeba. Kanye ngonyaka kufanelwe kuhlolwe uludwe lwabantu abaye bacela ukuba singaphindi sibatsalele umnxeba. Besalathiswa ngumveleli wenkonzo, abavakalisi abanobuchule nabanamava banokwabelwa ukuba babatyelele aba bantu ngenjongo yokuqonda ukuba abakafuni kusini na ukutsalelwa umnxeba.—Bona Isingxobo Semibuzo kuBulungiseleli Bethu BoBukumkani bukaSeptemba 1994.