Izaziso

◼ Ngo-Oktobha kuza kuhanjiswa iphephancwadi IMboniselo noVukani! Ukuba umninimzi unomdla, mnike incwadana enemifanekiso ethi Okufunwa NguThixo, uze uzame ngandlela zonke ukuqalisa izifundo zeBhayibhile. NgoNovemba: Yintoni UThixo Ayifunayo Kuthi? okanye Ulwazi Olukhokelela Kubomi Obungunaphakade. Ukuba abantu sele benazo ezi ncwadi, kusenokuhanjiswa ethi, Nqula Okuphela KoThixo Oyinyaniso okanye impapasho endala. NgoDisemba: Oyena Mntu Ubalaseleyo Wakha Waphila. Kusenokuhanjiswa Incwadi Yam Yamabali EBhayibhile okanye incwadi ethi IBhayibhile—Ngaba Ililizwi LikaThixo Okanye Lomntu? Kunokuhanjiswa incwadi ethi Unokuphila Ngonaphakade KwiParadisi Esemhlabeni ukuba ibandla linazo esitokhweni. NgoJanuwari: Nayiphi na incwadi eyapapashwa ngaphambi kowe-1988 ekhoyo esitokhweni sebandla. Ukuba aninazo ezi esitokhweni, ncedani nikhangele enoba amabandla akufutshane anazo kusini na esitokhweni iimpapasho ezindala anokuninceda ngazo. Amabandla angenazo iincwadi ezindala anokuhambisa Iphulo Loluntu Lokufuna UThixo okanye Imfihlelo Yolonwabo Lwentsapho.

◼ Phakathi kwezihlomelo ezikobu Bulungiseleli Bethu BoBukumkani kukho “Ucwangciso LweSikolo Sobulungiseleli Sobuthixo Sowama-2004” ibe lufanele lugcinwe ukuze lusetyenziswe ebudeni bowama-2004.

◼ Kumabandla abelwe ukuya kwindibano yezizwe ngezizwe abadala banokugqiba enoba isifundo sencwadi sebandla sifanele siqhutywe ebutsheni baloo veki okanye balungiselele ukuba inxalenye yaloo mbandela uza kufundwa iqhutywe kwiveki yangaphambi kwendibano uze ugqityezelwe emva kwaloo veki. Laziseni kusengaphambili ibandla. Amabandla aza kuya kwindibano yesithili afanele aqhube isifundo sencwadi sebandla ngaloo veki yendibano. ISikolo neNtlanganiso Yenkonzo aziyi kubakho ngeveki yendibano.

◼ Ukuba amaxesha eentlanganiso zebandla lenu aza kutshintsha ngoJanuwari 1, unobhala webandla ufanele azise iofisi yesebe ngolo tshintsho ngokuthumela ifomu ethi Congregation Meeting Information (S-5). Ukuba kuyimfuneko, kusenokuodolwa izixa ezitsha zezimemo ngokuthumela ifomu ethi Isicelo Sezimemo (S-16). Izimemo zifanele zicelwe ubuncinane kwiiveki ezisibhozo ngaphambi kwexesha enizifuna ngalo.

◼ Amabandla afanele aqalise ukuodola umxholo wonyaka wama-2004 kwiodolo yawo yoncwadi kaOktobha. Kufumaneka umxholo oxhonywayo kuphela. Ubukhulu bawo zii-1000mm x 350mm. Umxholo wonyaka uza kufumaneka ngesiBhulu, ngesiNgesi, ngesiSuthu, ngesiXhosa nangesiZulu. Amabandla anokucela umxholo wonyaka ube mnye kulwimi ngalunye. Kucetyiswa ukuba amabandla axhome umxholo omtsha wonyaka ngoJanuwari 1, 2004.

◼ Iofisi yesebe ayiziqwalaseli izicelo zeencwadi zomvakalisi ngamnye. Umveleli owongamelayo ufanele alungiselele ukuba kwenziwe isaziso nyanga nganye ngaphambi kokuba ibandla lithumele isicelo soncwadi saloo nyanga kwisebe ukuze bonke abanomdla wokuzifumanela uncwadi baqhagamshelane nomzalwana onyamekela uncwadi. Ncedani nisoloko nizikhumbula iincwadi ezifumaneka ngesicelo esikhethekileyo.

◼ Intetho ekhethekileyo yowama-2004 iza kuba ngeCawa, ngoAprili 18. Umxholo wale ntetho uza kuchazwa kamva. Amabandla anotyelelo lomveleli wesiphaluka okanye anendibano ngaloo mpelaveki aya kuba nentetho ekhethekileyo kwiveki elandelayo. Akukho bandla lifanele libe nentetho ekhethekileyo ngaphambi kuka-Aprili 18, 2004.

◼ Iimpapasho Ezintsha Ezifumanekayo:

Watch Tower Publications Index 2002—ngesiNgesi

◼ Iikhasethi Ezintsha Ezifumanekayo:

Singing Kingdom Songs—No. 3—ngesiZulu

◼ Iikhasethi Zevidiyo Ezintsha Ezifumanekayo:

Elementary Bible Teachings—On Videocassette, Volume 1—ngeNtetho Yezandla YaseMerika