IZaziso

◼ NgoJanuwari kuza kuhanjiswa incwadana enemifanekiso ethi Hlalani Nilindile! Ukuba aninayo esitokhweni, ninokuhambisa incwadana enemifanekiso ethi Okufunwa NguThixo. NgoFebruwari: Imfihlelo Yolonwabo Lwentsapho. NgoMatshi: Yintoni Ngokwenene Efundiswa YiBhayibhile? NgoAprili: IMboniselo noVukani!

◼ Ekubeni uMatshi eneempelaveki ezintlanu, angalithuba elihle lokuba nguvulindlela ongumncedani.

◼ Ukususela ngoFebruwari, yaye ngaphambi kukaMatshi 2, umxholo wentetho entsha yesidlangalala enikelwa ngabaveleli besiphaluka uya kuthi “Unokulufumana Phi Uncedo Xa Usengxakini?”

◼ Amabandla afanele enze amalungiselelo afanelekileyo eSikhumbuzo salo nyaka esiza kuqhutywa ngoMgqibelo kaMatshi 22, emva kokutshona kwelanga. Ngoxa intetho isenokuqaliswa kwangethuba, imifuziselo ayifanele idluliswe de kube semva kokutshona kwelanga. Zamani ukuqonda ixesha elitshona ngalo ilanga kwindawo enihlala kuyo. Ibandla ngalinye lifanele lizame ukuba neSikhumbuzo salo. Noko ke, ngezinye izihlandlo oko kusenokungenzeki. Xa iHolo yoBukumkani isetyenziswa ngamabandla angaphezu kwelinye, mhlawumbi elinye ibandla okanye angakumbi kusenokufuneka asebenzise enye indawo ngolo rhatya. Ukuba kunokwenzeka, sicebisa ukuba amabandla anikane isithuba semizuzu engama-40 ngaphambi kokuba elinye lingene ukuze bonke bangenelwe ngokupheleleyo kunxulumano lwasemva kweSikhumbuzo. Kufuneka kucingelwane kumba wezithuthi eziphumayo nezingenayo nendawo yokuzipaka, kuquka nomba wokuzisa nokulanda abantu. Iqumrhu labadala lifanele ligqibe ngendlela eya kulungela abazalwana basekuhlaleni.

◼ Oonobhala bamabandla bafanele baqiniseke ukuba baneleta yokumisela uvulindlela (S-202) ngamnye ebandleni. Ukuba abanayo, sicela babhalele iofisi yesebe.

◼ Ezinye izicaka zoncwadi ziye zabuza ukuba zifanele ziyithumele nini iFomu Yesicelo Soncwadi (S-14) ukuze ilori izizise ngethuba iioda zamabandla azo. Sicela nijonge ucwangciso lokuthunyelwa kwezinto ngelori kwindawo yenu. IFomu Yesicelo Soncwadi ifanele ishiywe edepo ubuncinane usuku ngaphambi kokuba ilori ifike. Abaveleli beedepo bafanele baqiniseke ukuba kukho indawo ecacileyo elungiselelwe ukubeka ezi fomu. Umqhubi welori uya kuziqokelela iiFomu Zesicelo Soncwadi, kwaye ukuba izinto eziodiweyo zikho esitokhweni, ziya kuthunyelwa ngelori elandelayo. Loo nto inokuthatha iiveki ezine ukuya kwezintlanu. Kubalulekile ukufaka iFomu Yesicelo Soncwadi rhoqo kwanokuba nifuna izinto ezimbalwa. Ukuba amabandla akakwazi ukuyithumela edepo le fomu ngaphambi kokuba ilori ifike, afanele ayipose ngokukhawuleza ukuze ifikisane nelori kwiofisi yesebe. Iioda ziye zilungiswe zize zipakwe kamsinya emva kokuba ilori ibuyile, kwanokuba ziza kuthunyelwa emabandleni kwisithuba seeveki ezimbalwa.

◼ Umveleli owongamelayo ufanele ahlole enoba UBulungiseleli Bethu BoBukumkani obufunyanwa libandla banele, yaye kubakho iikopi ezisalayo ezimbalwa kusini na. Ukuba lifumana obuninzi kakhulu, ioda yebandla ifanele incitshiswe kusetyenziswa iFomu Yeoda Yamaphephancwadi (M-202). Naxa lifumana obumbalwa, ioda inokwandiswa. Bonke abavakalisi bafanele bafumane iikopi zabo. Nabantu ababakho rhoqo kwiNtlanganiso Yenkonzo nabazimiseleyo ukuba ngabavakalisi bafanele bafumane ikopi. Qiniseka ukuba ubekela bucala ikopi yethala leHolo yoBukumkani. Abantu abasusiweyo kubudlelane abafanele banikwe UBulungiseleli Bethu BoBukumkani.—Bona Isingxobo Semibuzo soBulungiseleli Bethu BoBukumkani bukaFebruwari 1987.

◼ Sibamba ngazibini ngentsabelo yenu kuhlolisiso esiye salwenza ngokuphathelele ukushicilelwa kweMboniselo yesiBhulu, eyesiSuthu neyesiXhosa ngamagama amakhulu. Siye safumana imvume yokuyishicilela ngamagama amakhulu ngesiSuthu nangesiXhosa, kodwa ayiyi kushicilelwa ngesiBhulu kuba asikhange sifumane oda zaneleyo. Iioda siza kuzithumela ngokwamanani esiwafumene kolu hlolisiso. Namanye amabandla anokuthumela iioda xa ezifuna. Ngoko ke, ukuba ibandla lenu liye laphendula xa bekusenziwa uhlolisiso niya kuthunyelelwa IMboniselo enamagama amakhulu yesiSuthu neyesiXhosa ngokwaloo manani niwabhalileyo.

◼ Ukuze sikwazi ukutshintshela kuHlelo Lokufundisa lweMboniselo ngesiVenda nangesiKwanyama, siza kushicilela incwadana enamanqaku afundwayo enyanga kaDisemba. Onke amabandla afumana UBulungiseleli Bethu BoBukumkani ngesiVenda aya kuyithunyelelwa le ncwadana. Onke amabandla afumana IMboniselo ngesiKwanyama nawo aya kufumana isixa esaneleyo sale ncwadana.

◼ Ukususela ngeveki ka-Agasti 4, 2008, siza kufunda incwadi ethi Hlala Uyikhumbula Imini KaYehova kwiSifundo Sencwadi Sebandla.