IZaziso
◼ NgoSeptemba kuza kuhanjiswa incwadi ethi Yintoni Ngokwenene Efundiswa YiBhayibhile? Ngo-Oktobha: IMboniselo noVukani! NgoNovemba: Yintoni Ngokwenene Efundiswa YiBhayibhile? NgoDisemba: Oyena Mntu Ubalaseleyo Wakha Waphila. Kwimizi enabantwana, siza kuhambisa ncwadi ethi Funda KuMfundisi Omkhulu.
◼ Ekubeni uNovemba eneempelaveki ezintlanu, uya kuba lithuba elihle lokuba nguvulindlela ongumncedani.
◼ Intetho ekhethekileyo yowama-2009 iza kunikelwa ngeveki ka-Aprili 20, 2009. Umxholo wale ntetho uya kube uchazwe. Amabandla aza kube enotyelelo lomveleli wesiphaluka okanye enendibano ngaloo mpelaveki aya kuqhuba intetho ekhethekileyo ngeveki elandelayo. Akukho bandla lifanele libe nentetho ekhethekileyo ngaphambi komhla ka-Aprili 20.
◼ Umveleli owongamelayo ufanele athumele iingxelo zemali yebandla zikaJuni, Julayi noAgasti kwiofisi yesebe ngokukhawuleza kangangoko kunokwenzeka ekupheleni kuka-Agasti. Akuyi kuba yimfuneko ukuhlola (audit) ezi ngxelo ngaphambi kokuba zithunyelwe. Zonke izitetimenti zebhanki zifanele ziqukwe. Emvulophini ngaphandle bhala Accounting Office—PBO Registration.
◼ Umxholo wonyaka wama-2009 uza kuthunyelwa emabandleni. Kodwa ke amabandla ayilwe emva koSeptemba 1 kuya kufuneka afake iioda. Umxholo wonyaka wama-2009 uza kufumaneka ngesiBhulu, ngesiKwangali, ngesiKwanyama, ngesiNgesi, ngesiPedi, ngesiPhuthukezi, ngesiSuthu, ngesiTsonga, ngesiTswana, ngesiVenda, ngesiXhosa nangesiZulu. Amabandla afanele axhome umxholo wonyaka omtsha ngoJanuwari 1, 2009.
◼ Maxa wambi iofisi yesebe iye ifumane iiFomu Zesicelo Soncwadi (S-14) neeFomu Zeoda Yamaphephancwadi (M-202) ezingabhalwanga igama nenombolo yebandla, nto leyo eyenza singakwazi ukuzisingatha. Sikhumbuza unobhala ukuba azihlole kakuhle ezi nkcukacha xa etyobela naxa ethumela ezi fomu.
◼ Siyekile ukuvelisa incwadana enemifanekiso ethi Okufunwa NguThixo—EkwiCD (cdrq) ngesiBhulu, ngesiPedi, ngesiTsonga, ngesiTswana, ngesiXhosa nangesiZulu. Naziphi na iioda ezisele zithunyelwe ngamabandla zezi CD aziyi kuthunyelwa. Noko ke, siseneqela lazo ngesiSuthu, sicela niziode.
◼ Ukuze sincede abavakalisi nabantu abanomdla abaziimfama nabangaboni kakuhle abasebenzisa iBraille notetaker okanye iikhompyutha ezinescreen readers, kwenziwe ilungiselelo lokuthumela amanqaku e-elektroniki ombhalo weBraille weMboniselo. La manqaku aquka uhlelo lweMboniselo lukawonke-wonke nelokufundisa ngesiNgesi seBraille sikaGrade 2, okanye esifutshanisiweyo, kunye nohlelo lokufundisa lweMboniselo ngesiFrentshi neSpanish sikaGrade 1, okanye esingafutshaniswanga. La manqaku aya kuthunyelwa nge-e-mail kwabo bawaodileyo. Abo bafuna amanqaku eMboniselo yeBraille bafanele bacele unobhala ukuba abhale ileta ayithumele kule dilesi: Jehovah’s Witnesses of South Africa, Literature Department, Private Bag X2067, Krugersdorp, 1740. Loo leta ifanele ibe negama laloo mntu nedilesi ahlala kuyo, igama okanye uhlobo lwesixhobo se-elektroniki asisebenzisayo, idilesi yakhe ye-e-mail, achaze nokuba ufunda isiNgesi, isiFrentshi okanye iSpanish kusini na. Ukuba akanayo i-e-mail, makathumele idilesi ye-e-mail yomntu oya kumnika wona la manqaku.
◼ Sisenencwadana enemifanekiso ethi Okufunwa NguThixo (rq) eninzi kwisitokhwe sethu, kwaye ngenxa yoko sikhuthaza ukuba amabandla ayiode ukuze ayisebenzise kwintsimi engabelwanga bani.
◼ Incwadi ethi Hlala Uyikhumbula Imini KaYehova erekhodiweyo iyafumaneka ngesiNgesi nangesiPhuthukezi kwiMP3 nakwiM4B kule Web site: www.pr2711.com. Abo basebenzisa i-iPod banokukhetha iM4B (AAC), equka nemifanekiso yesahluko ngasinye. IMP3 ayiyi kufumaneka ngediski eqhelekileyo. Ninokuyifumana kule Web site: www.pr2711.com. Nangona intlangano idleka ngalo lonke ixesha sithwebula (download) into kule site, le ndlela yokuthumela izinto ayibizi kangako xa ithelekiswa nokwenza nokuthumela iidiski eziqhelekileyo.
◼ IiCD Ezintsha Ezifumanekayo:
Live With Jehovah’s Day in Mind (cdjd)—ngesiNgesi, ngesiPhuthukezi