IBhayibhile—Ichanile Ngokwembali Neziprofeto Zayo Zinokuthenjwa
Bubuphi ubungqina obubonisa ukuba iBhayibhile ichanile ngokwembali? Ziziphi iziprofeto zeBhayibhile ezisele zizalisekile ezisenza siqiniseke ukuba nezo zingekazaliseki ziza kuzaliseka? Le mibuzo iyaphendulwa kwividiyo ethi The Bible—Accurate History, Reliable Prophecy, iDVD yesithathu kwezithetha ngomxholo othi The Bible—A Book of Fact and Prophecy. Emva kokubukela le vidiyo, ngaba ungayiphendula le mibuzo ilandelayo?
(1) Ngubani onguMthombo wenkcazelo echanileyo efumaneka eBhayibhileni? (Dan. 2:28) (2) Yiyiphi inkcazelo echanileyo efumaneka eBhayibhileni ethetha ngeYiputa yamandulo, yaye isiprofeto esibhalwe kuIsaya 19:3, 4 sazaliseka njani? (3) Abembi bezinto zakudala bakungqina njani oko kuthethwa yiBhayibhile ngama-Asiriya, ngookumkani bawo, nangokutshatyalaliswa kweAsiriya? (Nah. 3:1, 7, 13) (4) Ziziphi iziprofeto eziphathelele iBhabhiloni ezingqineke zinokuthenjwa? (Yer. 20:4; 50:38; 51:30) (5) Sisiphi isiprofeto esiphathelele amaMedi namaPersi esiye sangqineka siyinyaniso? (Isa. 44:28) (6) Ingxelo ekuDaniyeli 7:6 nekwisahluko 8:5, 8 yazaliseka njani ngokuphathelele iGrisi? (7) Ingxelo ekuDaniyeli 7:7 yazaliseka njani xa iRoma yaba ligunya lehlabathi? (8) Ngabaphi ooKesare abakhankanywayo eBhayibhileni? (9) Kwenzeka ntoni kumaKristu xa kwakulawula uNero? (10) Isiprofeto esifumaneka kwiSityhilelo 13:11 nakwisahluko 17:10 zazaliseka njani? (11) Uchazwa njani ukumkani wesibhozo? (12) Kule vidiyo, yiyiphi imifanekiso ebonisa ukuchana kwamazwi akwiNtshumayeli 8:9? (13) Ziziphi iziprofeto okhangele phambili ekuziboneni zizaliseka? (14) Unokuyisebenzisa njani le vidiyo ekuncedeni abanye baqonde ukuba iBhayibhile liLizwi likaThixo?