Iintshayelelo Onokuzisebenzisa

Ukuze Uqalise Izifundo ZeBhayibhile KuMgqibelo Wokuqala Ka-Agasti

“Phantse bonke abantu bakhe bathandaze. Kwanabantu abangakholelwayo kubukho bukaThixo bayathandaza xa besengxakini. Ngaba ucinga ukuba uThixo uyayiphulaphula yonke imithandazo?” Mvumele aphendule. Mbonise iphepha lokugqibela leMboniselo ka-Agasti 1 nize nixubushe inkcazelo engaphantsi kombuzo wokuqala, nifunde nezibhalo. Mnike la maphephancwadi uze ulungiselele ukubuyela ukuze niphendule umbuzo olandelayo.

Phawula: Le ntshumayelo ifanele yenziwe xa kuqhutywa intlanganiso yasentsimini ngoAgasti 3.

IMboniselo kaAgasti 1

“Sinityelele ngokufutshane ukuze sithethe nani ngephonografi kuba abantu abaninzi iyabaxhalabisa. Noko ke, abantu abaninzi bavakalelwa kukuba iphonografi ayiyongozi. Uthini wena? [Mvumele aphendule.] UYesu wathi ukuba into ilungile, siyibona ngeziqhamo ezivelisayo. [Funda uMateyu 7:17.] Eli phephancwadi lithetha ngeziqhamo eziveliswa yiphonografi. Kwakhona inamacebiso aluncedo endlela yokwahlukana nayo.”

UVukani! kaAgasti

“Abantu abaninzi bafuna ukuphila ixesha elide. Ngaba ucinga ukuba ukuhambela phambili kwenzululwazi kunokwenza ngenye imini siphile ubomi obungunaphakade? [Mvumele aphendule.] Khawuve esi sithembiso sibangel’ umdla. [Funda eyoku-1 Korinte 15:26.] Kodwa uThixo uza kusizalisekisa njani esi sithembiso—ngenzululwazi okanye ngenye indlela? Ibe kutheni sisaluphala size sife? Eli phephancwadi liyiphendula ngeBhayibhile le mibuzo.”