Iindlela Ezintathu Zokuthembela KuYehova

UDavide wamoyisa uGoliyati kuba wayethembele ngoYehova. (1Sa 17:45) UYehova ufuna ukunceda abakhonzi bakhe esebenzisa amandla akhe. (2Kr 16:9) Singathembela njani kuYehova kunokuthembela kumava ethu nezinto esikwaziyo ukuzenza? Nazi iindlela ezintathu:

• Thandaza qho. Ungathandazeli ukuxolelwa qha emva kokuba wenze impazamo, kodwa thandazela namandla okumelana nesilingo. (Mat 6:12, 13) Sukuthandazela ukuba uYehova akusikelele kwizigqibo osele uzenzile, kodwa ngaphambi kokuba usenze mcele ukuba akukhokele aze akunike ubulumko.—Yak 1:5

• Yiba nocwangciso lokufunda iBhayibhile. Funda iBhayibhile yonke imihla. (Nd 1:2) Cingisisa ngemizekelo eseBhayibhileni uze uzenze izinto ozifundileyo. (Yak 1:23-25) Lungiselela xa uza kushumayela ungathembeli kwindlela ubusenza ngayo ngaphambili. Lungiselela ngaphambi kokuba uye kwiintlanganiso ukuze ukwazi ukuncedakala.

• Sebenzisana nentlangano kaYehova. Kufuneka uhlale uyazi imiyalelo esuka kwintlangano uze ukhawuleze uyenze. (Num 9:17) Bamamele abadala xa benikela isiluleko nemiyalelo.—Heb 13:17

BUKELA IVIDIYO ETHI MASINGAKOYIKI UKUTSHUTSHISWA UZE UPHENDULE LE MIBUZO:

• Ziintoni ababezoyika aba bazalwana noodade?

• Bancedwa yintoni ukuba bangoyiki kakhulu?