Imaphu Yendalo Yofudo Lwasemanzini

Ngaba Yadalwa?

● Abaphandi bathi indlela ufudo lwaselwandle oluhamba ngayo ukusuka kwindawo olutya kuyo ukuya kwindawo oluzalela kuyo “yenye yezona zinto zimangalisayo ngezilwanyana.” Sele kudlule amashumi eminyaka abaphandi bemangaliswa zizinto ezenziwa lolu fudo.

Khawucinge ngoku: Rhoqo emva kweminyaka emibini ukuya kwemine, ithokazi lolu fudo liya elunxwemeni ukuze lizalele amaqanda—amalunga nekhulu kwindlwana nganye—lize liwafihle esantini. Esakuqanduselwa, amantshontsho angena elwandle. Emva koko athabatha uhambo olumangalisayo, xa sele lulonke olunokuba ngumgama omalunga neekhilomitha ezingama-12 900. Kwiminyaka kamva, angamathokazi kula mantshontsho nawo abuyela kwakunxweme awayeqanduselwe kulo ukuze aye kuzalela khona.

Ufudo lwaselwandle luyazi njani indlela? UKenneth Lohmann osisazi sebhayoloji kwiYunivesithi yaseNorth Carolina nocatshulwe kwiNational Geographic News uthi, “kubonakala ngathi luncedwa yimaphu ethile oluzalwa nayo.” Uphando lubonisa ukuba ufudo luyakwazi ukufunda indalo ukuze lubone apho lukhoyo. Obu buchule bofudo bumangalisayo bulunceda lukwazi ukuhamba umgama oziikhilomitha ezingama-12 900 lujikeleza ulwandle lweAtlantiki “yaye oko lukwenza ngaphandle kokulandela amanye,” ngokutsho kukaLohmann.

Ucinga ntoni? Ngaba ufudo lwaselwandle lakwazi ukuyazi indlela olufanele luhambe ngayo ngamabona ndenzile okanye ngaba ladalwa ngohlobo lokuba luyazi?

[Ibhokisi ekwiphepha 25]

IZINTO EZIBANGELA UMDLA

● Emva kokuzalela nokufihla amaqanda, ufudo luyayishiya indawo oluzalela kuyo.

● Ukuze aqanduselwe, amantshontsho asebenzisa amazinyo akhethekileyo ekuthiwa ziicaruncle yaye loo mazinyo ayaphuma emva kokuqanduselwa.

● Ufudo lwaselwandle luchitha phantse bonke ubomi balo elwandle.

[Inkcazelo Ngomfanekiso okwiphepha 25]

© Masa Ushioda/WaterF/age fotostock