Yintoni Ayikholelwayo?

AmaNgqina kaYehova ayakholelwa kuThixo uSomandla, uYehova, uMdali wamazulu nomhlaba. Ubukho bemimangaliso eyilwe ngokuntsonkothileyo kwindalo iphela esingqongileyo ngokusengqiqweni kubonisa ukuba umdali okrelekrele ngokuphakamileyo nonamandla wayivelisa yonke. Kanye njengokuba imisebenzi yamadoda nabafazi ibonisa iimpawu zabo, injalo naleyo kaYehova uThixo. IBhayibhile isixelela ukuba “iindawo zakhe ezibe zingenakubonwa zibonwa kakuhle, ziqondeke, ngezinto ezenziweyo.” Kwakhona, ngaphandle kwelizwi okanye amazwi, “izulu libalisa uzuko lukaThixo.”—Roma 1:20; INdumiso 19:1-4.

Abantu abazibumbi iimbiza zodongwe, okanye benze oomabonwakude neekhompyutha bengenanjongo. Umhlaba nendalo yawo ezizityalo nezilwanyana zimangalisa ngakumbi. Ukumila komzimba womntu oneeseli zawo ezizizigidi ngezigidi kuyinto esingenakuyiqonda kwaphela—kwanobuchopho esicinga ngabo bumangalisa ngokungathethekiyo! Ukuba abantu banenjongo ekuyileni kwabo izinto ezincinane ngokwentelekiso, ngokuqinisekileyo uYehova uThixo wayenenjongo ngendalo yakhe eyoyikekayo! IMizekeliso 16:4 ithi unayo injongo: “Zonke izinto uYehova uzenzele intsingiselo yakhe.”

UYehova wenza lo mhlaba ngenjongo, njengoko wachazayo kwisibini sokuqala esingabantu: “Qhamani, nande, niwuzalise umhlaba . . . nibe nobukhosi ezintlanzini zolwandle, nasezintakeni zezulu, nasezintweni zonke eziphilileyo ezinambuzelayo emhlabeni.” (Genesis 1:28) Ngenxa yokuba sathi asathobela, esi sibini sasilela ukuzalisa umhlaba ngeentsapho ezingamalungisa ezaziya kuthi ngothando ziwunyamekele umhlaba nezityalo zawo kwanezilwanyana. Kodwa ukusilela kwaso akuyenzi injongo kaYehova isilele. Kumawakawaka eminyaka kamva kwabhalwa kwathiwa: “UYehova, uMdali . . . wehlabathi, . . . akalidalelanga ukuba kube senyanyeni.” Yena “walibumba ukuba limiwe.” Aliyi kutshatyalaliswa, kodwa “ihlabathi limi ngonaphakade.” (Isaya 45:18; INtshumayeli 1:4) Injongo kaYehova ngomhlaba iza kuzaliseka: “Icebo lam liya kuma, ndikwenze konke ukuthanda kwam.”—Isaya 46:10.

Ngenxa yoko, amaNgqina kaYehova akholelwa ukuba umhlaba uya kuhlala ngonaphakade, yaye akholelwa nokuba bonke abantu, abaphilileyo nabafileyo, abaya kuhambisana nenjongo kaYehova yomhlaba omhle nonabemi, basenokuphila kuwo ngonaphakade. Lonke uluntu lwakuzuz’ ilifa ukungafezeki kuAdam noEva, ibe, ngenxa yoko, lungaboni. (Roma 5:12) IBhayibhile isixelela oku: “Umvuzo wesono kukufa.” “Abadla ubomi bayazi ukuba baya kufa; ke bona abafileyo abazi lutho.” “Umphefumlo owonayo, kuya kufa wona.” (Roma 6:23; INtshumayeli 9:5; Hezekile 18:4, 20) Ngoko banokuphila njani kwakhona ukuze bafumane iintsikelelo zasemhlabeni? Banokuphila kuphela ngedini lentlawulelo likaKristu Yesu, kuba wathi: “Ndim uvuko, ndim ubomi; lowo ukholwayo kum, nokuba ebethe wafa, wodla ubomi.” “Bonke abasemangcwabeni balive ilizwi lakhe; baphume ke.”—Yohane 11:25; 5:28, 29; Mateyu 20:28.

Kuya kwenzeka njani oku? Oku kucaciswe ‘kwiindaba ezilungileyo zobukumkani’ uYesu awaqalisa ukuzivakalisa ngoxa wayesemhlabeni. (Mateyu 4:17-23) Kodwa namhlanje amaNgqina kaYehova ashumayela “iindaba ezilungileyo” ngendlela ebalasele ngakumbi.

[Isicangca esikwiphepha 13]

OKO AMANGQINA KAYEHOVA AKUKHOLELWAYO

INKOLELO ISIZATHU ESINGOKWEZIBHALO

IBhayibhile iliLizwi likaThixo 2 Tim. 3:16, 17;

ibe iyinyaniso 2 Pet. 1:20, 21; Yoh. 17:17

IBhayibhile inokuthenjwa ngakumbi Mat. 15:3; Kol. 2:8

kunesithethe

Igama likaThixo nguYehova INdu. 83:18; Isa. 26:4;

Isa 42:8; Eks. 6:3

UKristu unguNyana kaThixo ibe Mat. 3:17; Yoh. 8:42; 14:28;

UKristu waba ngowokuqala kwindalo Kol. 1:15; ISityhi. 3:14

kaThixo

UKristu wafela emthini, akazange Gal. 3:13; Ize. 5:30

afele emnqamlezweni

Ubomi bokuba ngumntu bukaKristu Mat. 20:28; 1 Tim. 2:5, 6;

bakhutshwa njengentlawulelo Tito 2:14; 1 Pet. 2:24

yabantu abathobelayo

Idini elinye likaKristu lalanele Roma 6:10; Heb. 9:25-28

UKristu wavuswa kwelabafileyo 1 Pet. 3:18; Roma 6:9;

njengomntu ongumoya nongafiyo ISityhi. 1:17, 18

Ubukho bukaKristu bungokomoya Yoh. 14:19; Mat. 24:3;

2 Kor. 5:16; INdu. 110:1, 2

UBukumkani phantsi koKristu buya Isa. 9:6, 7; 11:1-5;

kulawula umhlaba ngobulungisa Dan. 7:13, 14; Mat. 6:10

nangoxolo

UBukumkani buzisa iimeko ezintle INdu. 72:1-4; ISityhi. 7:9,

zokuphila emhlabeni ISi 7:10, 13-17; 21:3, 4

Umhlaba awunakuze utshatyalaliswe INtshu. 1:4; Isa. 45:18;

okanye ungabi nabemi INdu. 78:69

UThixo uza kutshabalalisa inkqubo ISityhi. 16:14, 16;

ekhoyo yezinto kwidabi Zef. 3:8; Dan. 2:44;

laseArmagedon Isa. 34:2

Abangendawo botshatyalaliswa Mat. 25:41-46; 2 Tes. 1:6-9

ngonaphakade

Abantu abakholisekileyo kuThixo Yoh. 3:16; 10:27, 28; 17:3;

bozuza ubomi obungunaphakade Marko 10:29, 30

Inye kuphela indlela esa ebomini Mat. 7:13, 14; Efe. 4:4, 5

Ngoku ‘sikwixesha lesiphelo’ Mat. 24:3-14; 2 Tim. 3:1-5;

Luka 17:26-30

Ukufa kwabantu kubangelwa sisono Roma 5:12; 6:23

sika-Adam

Umphefumlo womntu awubi saphila Hez. 18:4; INtshu. 9:10;

Isihogo lingcwaba eliqhelekileyo Yobhi 14:13, NW;

Ithemba labafi luvuko 1 Kor. 15:20-22; Yoh. 5:28, 29;

Yoh 11:25, 26

Ukufa okwabangelwa nguAdam kuza 1 Kor. 15:26; ISityhi. 21:4;

kuphela Isa. 25:8; 1 Kor. 15:54

Ngumhlambi omncinane kuphela Luka 12:32; ISityhi. 14:1, 3;

we-144 000 oya ezulwini noza 1 Kor. 15:40-53;

kulawula noKristu ISityhi. 5:9, 10

I-144 000 lizalwa ngokutsha 1 Pet. 1:23; Yoh. 3:3;

njengoonyana bokomoya bakaThixo ISityhi. 7:3, 4

Umnqophiso omtsha wenziwa Yer. 31:31; Heb. 8:10-13

noSirayeli wokomoya

Ibandla likaKristu lakhelwe phezu Efe. 2:20; Isa. 28:16;

kwakhe Mat. 21:42

Imithandazo imele ibhekiswe Yoh. 14:6, 13, 14; 1 Tim. 2:5

kuYehova kuphela ngoKristu

Imifanekiso eqingqiweyo ayimele Eks. 20:4, 5; Lev. 26:1;

isetyenziswe ekunquleni 1 Kor. 10:14; INdu. 115:4-8

Ukukhafula kumele kuphetshwe Dut. 18:10-12; Gal. 5:19-21;

Lev. 19:31

USathana ungumlawuli 1 Yoh. 5:19; 2 Kor. 4:4;

ongabonakaliyo wehlabathi Yoh. 12:31

UmKristu akamele abe nenxalenye 2 Kor. 6:14-17; 11:13-15;

kumaqela ozwelonke Gal. 5:9; Dut. 7:1-5

UmKristu umele azigcine ahlukile Yak. 4:4; 1 Yoh. 2:15;

ehlabathini Yoh. 15:19; 17:16

Yonke imithetho yabantu Mat. 22:20, 21; 1 Pet. 2:12;

engangqubaniyo nemithetho kaThixo 1Pe 4:15

imele ithotyelwe

Ukungenisa igazi emzimbeni Gen. 9:3, 4; Lev. 17:14;

ngomlomo okanye ngemithambo Ize. 15:28, 29

kuchasene nemithetho kaThixo

Imithetho yeBhayibhile 1 Kor. 6:9, 10; Heb. 13:4;

engokuziphatha imele ithotyelwe 1 Tim. 3:2; IMize. 5:1-23

Ukugcinwa kwesabatha kwakuyalelwe Dut. 5:15; Eks. 31:13;

kuphela kumaYuda kwaza kwaphela Roma 10:4; Gal. 4:9, 10;

nomthetho kaMoses Kol. 2:16, 17

Udidi lwabefundisi nezibizo Mat. 23:8-12; 20:25-27;

ezikhethekileyo azifanelekanga Yobhi 32:21, 22

Umntu akazange azivelele kodwa Isa. 45:12; Gen. 1:27

wadalwa

UKristu wamisela umzekelo omele 1 Pet. 2:21; Heb. 10:7;

ulandelwe ekukhonzeni uThixo Yoh. 4:34; 6:38

Ubhaptizo ngokuntywiliselwa Marko 1:9, 10; Yoh. 3:23;

AmaKristu amele anikele ubungqina Roma 10:10; Heb. 13:15;

[Umfanekiso okwiphepha 12]

UMHLABA . . . wadalwa nguYehova . . . wanyanyekelwa ngumntu . . . uza kumiwa ngonaphakade