Imifanekiso Yekomkhulu Lehlabathi Neeofisi Eziphambili ZamaNgqina KaYehova
IKOMKHULU LEHLABATHI LAMANGQINA KAYEHOVA
[Picture on page 352, 353]
Umsebenzi owenziwa ngamaNgqina kaYehova emhlabeni wonke ubusalathiswa eBrooklyn, eNew York, eUnited States, ukususela ngowe-1909. Iiofisi zekomkhulu bezi kwezi zakhiwo ukususela ngowe-1980
[Picture on page 352]
IZiko Lemfundo leWatchtower (Watchtower Educational Center), ePatterson, eNew York (belisakhiwa ngowe-1992)
[Pictures on page 353]
Ezinye zezakhiwo zokuhlala ekuhlala kuzo amawaka abo bakhonza kwikomkhulu lehlabathi
[Pictures on page 354]
Izakhiwo ezazisakuba ziihotele eBrooklyn zilungisiwe ukuze kuhlale kuzo abasebenzi bokuzithandela abangakumbi abali-1 476
[Pictures on page 354]
Iindawo zokuhlala intsapho yaseBheteli eWallkill, eNew York
[Pictures on page 354, 355]
Kwezi zakhiwo zomzi-mveliso (eBrooklyn, eNew York) kushicilelwa iiBhayibhile, iincwadi, neencwadana ezinemifanekiso ngeelwimi ezili-180 ukuze zisasazwe emhlabeni wonke
[Pictures on page 356]
Izigidi zeekhasethi zemibandela yeBhayibhile zenziwa kulo mzi-mveliso eBrooklyn nyaka ngamnye. Kwakhona apha, kulungelelaniswa uncwadi oluza kuthunyelwa. Ziitoni ezingaphezu kwe-15 000 zoncwadi lweBhayibhile nezinye izinto ngonyaka ezithunyelwa kuyo yonke imimandla yomhlaba
[Pictures on page 356]
Kulo mzi-mveliso okwiiWatchtower Farms, kufutshane naseWallkill, eNew York, kushicilelwa amakhulu ezigidi ze-“Mboniselo” no-“Vukani!,” ngeelwimi ezili-14, nyaka ngamnye
AmaNgqina kaYehova nemibutho esemthethweni ayisebenzisayo aneeofisi nezakhiwo zokushicilela kwiindawo ezininzi emhlabeni. Imifanekiso ekumaphepha alandelayo ibonisa ezininzi, nangona ingezizo zonke, zezo zakhiwo. Apho bekusakhiwa izakhiwo ezitsha ngowe-1992, kuboniswe imifanekiso yabazobi. Amanani abhaliweyo ebenjalo ngowe-1992.
UMNTLA MERIKA NEEWEST INDIES
IALASKA
[Picture on page 357]
Abeze kwiofisi yoMbutho bamkelwa ngokufudumeleyo. EAlaska, nakwezinye iindawo, amaNgqina kaYehova ashumayela kwizindlu ngezindlu, nangona ubushushu maxa wambi buba ngama-50 ngokukaCelsius ngaphantsi komkhenkce.
[Picture on page 357]
Inqwelo-moya esetyenziselwa ukuthwala abavakalisi boBukumkani ukuya kwiiindawo ezikwanti zalo mmandla
IIBAHAMAS
[Picture on page 357]
Iimpapasho zeWatch Tower zafikelela kwiiBahamas ngowe-1901. Ukunikelwa kobungqina ngokuthe rhoqo kwaqalisa apha ngowe-1926. Ukususela ngoko luncwadi lweBhayibhile olungaphezulu kuhle kwizi-4 600 000 oluye lwasasazwa kwiziqithi ngoku ezivelelwa leli sebe.
IBARBADOS
[Pictures on page 358]
Ngamaqela onqulo angaphezu kwe-140 athi angamaKristu eBarbados. Ukususela ngowe-1905, amaNgqina kaYehova ebenceda abantu apha bazibonele oko iBhayibhile ikutshoyo.
IBELIZE
[Pictures on page 358]
Malunga nesiqingatha sabemi baseBelize sihlala emaphandleni. Ukuze kufikelelwe kwiidolophana ezithile eziphakathi, amaNgqina kaYehova minyaka le kufuneka abethe ngezikaTshiwo ethwele imigodlo ephethe neebrifkheyisi.
ICOSTA RICA
[Picture on page 358]
UMbutho wamisela iofisi yesebe okokuqala eCosta Rica ngowe-1944. Ukususela ngeminyaka yee-1950, bebengamawaka abemi baseCosta Rica abebenesabelo kunqulo lokwenyaniso.
IDOMINICAN REPUBLIC
[Pictures on page 359]
Uncwadi lweWatch Tower lwalusasazwa apha kwangowe-1932. Kodwa ukufundiswa kwabantu abanomdla kwaqalisa ngowe-1945, xa kwafika abavangeli basemazweni ababoniswe ngasekhohlo. Kwiminyaka yakutshanje, xa amashumi amawaka abantu eye alangazelela ukufundisisa iBhayibhile namaNgqina kaYehova, kuye kwafuneka ezi zakhiwo zesebe.
IEL SALVADOR
[Pictures on page 359]
Ubungqina banikelwa apha ngowe-1916. Noko ke, kuphela kwaba ngowe-1945 ekwathi ubuncinane kwabakho umntu omnye e-El Salvador olungele ukuntywiliselwa emanzini njengomKristu (njengokuba kuboniswe apha). Ukususela ngoko, amawaka angakumbi aye aba ngabakhonzi bakaYehova.
IGUADELOUPE
[Pictures on page 359]
Eli lizwe livelelwa yile ofisi yesebe lelinye lawona anabantu abambalwa ehlabathini lonke afanele umvakalisi ngamnye ajamelane nabo. Abantu abaninzi eGuadeloupe bazamkela ngoxabiso iindaba ezilungileyo.
IKHANADA
[Pictures on page 360, 361]
Iofisi yoMbutho eKhanada ivelela umsebenzi wokushunyayelwa kweendaba ezilungileyo kwilizwe elilelesibini ngobukhulu ehlabathini. Bangaphezulu kuhle kwi-100 000 abavakalisi boBukumkani abaxakekileyo kweli lizwe.
Isakhiwo seeofisi (sigqume inxalenye yefoto yesakhiwo sesebe esisetyenziswayo ngoku)
[Picture on page 360]
Imimandla ekuMntla-ntshona
[Picture on page 360]
Iinkampu zeenkuni eBritish Columbia
[Picture on page 360]
Iifama zeenkomo eAlberta
[Picture on page 361]
IFrench Quebec
[Picture on page 361]
AmaPhondo Angaselwandle
IGUATEMALA
[Pictures on page 360]
Nangona iSpanish silulwimi olusemthethweni eGuatemala, apha kuthethwa iilwimi zamaIndiya ezahlukahlukeneyo nezinzima. Iofisi yoMbutho izabalazela ukuqinisekisa ukuba wonk’ ubani uyalifumana ithuba lokuva ngoBukumkani bukaThixo.
IHAITI
[Pictures on page 361]
Ukukhonza uYehova kuzisa uvuyo olukhulu kumaNgqina kaYehova eHaiti, phezu kwazo nje iimeko ngokufuthi ezinzima eziwangqongileyo.
IHONDURAS
[Pictures on page 362]
Ukususela ngowe-1916, kuye kwachithwa iiyure ezingaphezulu kuhle kuma-23 000 000 ekufundiseni abemi beli lizwe iBhayibhile. Maxa wambi, kuye kwafuneka ukuba amaNgqina kaYehova afundise abantu ukufunda nokubhala (njengokuba ubona apha) ukuze bakwazi ukufundisisa iLizwi likaThixo ngokwabo.
IJAMAICA
[Pictures on page 362]
Amakhulu abantu baseJamaica baba ngabakhonzi abazinikeleyo bakaYehova ebudeni bexesha lokuhlanganiswa kwabo banethemba lokuba ziindlalifa zoBukumkani bamazulu. Ukususela ngowe-1935, amawaka angakumbi aye abathelela ekushumayeleni isigidimi soBukumkani. Kwakhiwa le ofisi yesebe ukuze kunyanyekelwe iintswelo zabo zokomoya.
IZIQITHI IILEEWARD (ANTIGUA)
[Pictures on page 362]
Kwangowe-1914, iindaba ezilungileyo zazishunyayelwa kwiziqithi ngoku ezinyanyekelwa yile ofisi. Ukususela ngoko, abantu kulo mmandla womhlaba baye bamenywa ngokuphindaphindiweyo ukuba ‘bathabathe amanzi obomi ngesisa.’—ISityhi. 22:17.
IMEXICO
[Picture on page 363]
Iziko elitsha lemfundo yeBhayibhile elakhiwa ngamaNgqina kaYehova eMexico
[Picture on page 363]
Isakhiwo seeofisi ebesisetyenziswa ngowe-1992
[Pictures on page 363]
Uncwadi lweBhayibhile olupapashwa apha luxhasa amaNgqina anenzondelelo angaphezu kwama-410 000 eMexico nakwiindawo ezikufutshane ekuthethwa kuzo iSpanish
[Picture on page 363]
Ukususela ngowe-1986 ukusa kowe-1992, ngaphezu kweshumi ekhulwini lezifundo zeBhayibhile zamakhaya ebeziqhutywa ngamaNgqina ehlabathini lonke beziqhutywa eMexico, inkoliso yezi iqhutyelwa iintsapho
[Graph on page 363]
(For fully formatted text, see publication)
Izifundo ZeBhayibhile EMexico
500 000
250 000
1950 1960 1970 1980 1992
IMARTINIQUE
[Pictures on page 364]
Imbewu yenyaniso yahlwayelwa apha kwangowe-1946. Kodwa xa uXavier noSara Noll (ababoniswe apha) bafika bevela eFransi ngowe-1954, bakwazi ukuhlala baza bakhuthaza abo babebonakalise umdla. Ngowe-1992, bebengaphezu kwama-3 200 abantu abebenesabelo kunye nabo ekuvakaliseni isigidimi soBukumkani.
INETHERLANDS ANTILLES (CURAÇAO)
[Pictures on page 364]
Ngabavangeli basemazweni abangama-23 abaye bakhonza kummandla wale ofisi yesebe. Ababini kwiqela lokuqala (ababoniswe apha) elafika ngowe-1946 bebesekule nkonzo ngowe-1992.
INICARAGUA
[Picture on page 364]
Ukususela ngowe-1945, xa abavangeli basemazweni bafikayo, amaNgqina kaYehova eNicaragua aqalisa ukwanda. Ngowe-1992 ebengaphezu kwama-9 700. Abantu abafuna ukuba amaNgqina abafundise iBhayibhile ngoku baninzi lee kunamaNgqina asekuhlaleni.
IPANAMA
[Pictures on page 365]
Kususela ekupheleni kwenkulungwane ye-19, abantu basePanama bebefumana uncedo ekufundeni ngeemfuneko zikaThixo zobomi obungunaphakade.
IPUERTO RICO
[Picture on page 365]
Ukususela ngowe-1930, luncwadi lweBhayibhile olungaphezu kwama-83 000 000 oluye lwasasazwa ePuerto Rico, ibe ngamatyelelo okubuyela angama-25 000 000 aye enziwa ukuze kunikelwe uncedo olungakumbi kubantu abanomdla. Umsebenzi wokuguqulela owenziwa apha unceda ekwenzeni ukuba uncwadi lweBhayibhile lufumaneke kubantu abanokuba ngama-350 000 000 abathetha iSpanish emhlabeni wonke.
ITRINIDAD
[Pictures on page 365]
Iindaba ezilungileyo zazisele zivakaliswa ngamandla eTrinidad kwangowe-1912. AmaNgqina amaninzi, kuquka la mathathu aqeqeshwe kwiSikolo saseGiliyadi, anikele ngexesha lawo lonke kulo msebenzi.
UMZANTSI MERIKA
IARGENTINA
[Pictures on page 366]
Umvakalisi woBukumkani wathunyelwa kweli lizwe okokuqala ngowe-1924. Kamva abavangeli basemazweni abaqeqeshwe eGiliyadi, kuquka uCharles Eisenhower (oboniswe apha), owafika nomfazi wakhe ngowe-1948, banikela uncedo olungathethekiyo. Ngowe-1992, ukuvelelwa komsebenzi, kwanoncwadi lweBhayibhile, belulungiselelwa kwezi zakhiwo ukwenzela amaNgqina kaYehova angaphezu kwama-96 000 eArgentina. Kwakhona uncwadi beluthunyelwa lusuka apha ukuya kumaNgqina angaphezu kwangama-44 000 eChile.
IBOLIVIA
[Pictures on page 367]
Abantu baseBolivia bebesiva isigidimi soBukumkani ukususela ngowe-1924. Abangamawaka balwamkela ngoxabiso uncwadi lweBhayibhile ibe bangenelwa kwizifundo zeBhayibhile zamakhaya eziqhutywa rhoqo.
ICHILE
[Pictures on page 367]
Ngowe-1919, uncwadi lweWatch Tower lwafika eChile. Umsebenzi wokushumayela ovelelwa leli sebe ngoku unaba ukusuka kwiifama zeegusha ezigqutha umoya kumazantsi ukuya kutsho kwimigodi ekwanti esemantla, ukusuka kwiiNtaba zeAndes ukuya kutsho elwandle.
IECUADOR
[Pictures on page 367]
AmaNgqina angaphezu kwama-870 (anjengala mabini aboniswe apha) awashiya amazwe awo okuzalwa ukuze akhonze apho imfuneko inkulu khona, yaye aba negalelo elikhulu ekushunyayelweni kweendaba ezilungileyo e-Ecuador. Ngoku eli sebe linikela uncedo kubadumisi bakaYehova abanenzondelelo abangaphezu kwama-22 000.
IBRAZIL
[Pictures on page 368, 369]
Ngowe-1992, xa iofisi yesebe, isakhiwo sokushicilela neKhaya laseBheteli loMbutho belisandiswa ukuze zibe ngaka, amaNgqina kaYehova eBrazil ebengaphezu kwama-335 000 yaye ebhaptiza abafundi abangaphezu kwama-27 000 nyaka ngamnye. Isakhiwo sokushicilela esilapha sikwalungiselela uncwadi ukuze lusasazwe eBolivia, eParaguay, naseUruguay.
[Pictures on page 369]
Amabala amabini amakhulu ezemidlalo asetyenziselwa indibano yezizwe ngezizwe yamaNgqina kaYehova eSão Paulo ngowe-1990; kwacetywa nokuba kuqhutywe ezinye iindibano ezongezelelekileyo ezili-100
[Graph on page 369]
(For fully formatted text, see publication)
Abavakalisi BoBukumkani EBrazil
300 000
200 000
100 000
1950 1960 1970 1980 1992
IGUYANA
[Pictures on page 368]
UMbutho ubuneofisi yesebe eGuyana ukususela ngowe-1914. AmaNgqina aye afikelela kwimimandla ephakathi yeli lizwe aza azabalazela ukunika wonk’ ubani ithuba lokuva iindaba ezilungileyo. Nangona abemi beli lizwe nangoku bengaphantsi kwesigidi, amaNgqina achithele iiyure ezingaphezu kwe-10 000 000 ekushumayeleni nasekufundiseni kweli lizwe.
IPARAGUAY
[Pictures on page 369]
Umsebenzi wokushunyayelwa kweendaba ezilungileyo wawusele uqalisile eParaguay phakathi kwiminyaka yee-1920. Ukususela ngowe-1946, abavangeli basemazweni abali-112 ababeqeqeshwe eGiliyadi baye banceda ekunikeleni ubungqina. Ukuze afikelele izizwana ezithetha ulwimi olwahlukileyo kwiSpanish nesiGuarani, amanye amaNgqina athe ngokuzithandela afudukela khona esuka kumazwe awahlukahlukeneyo.
Asuka eJamani
Asuka eKorea
Asuka eJapan
ICOLOMBIA
[Map/Pictures on page 370, 371]
Kwangowe-1915, impapasho yeWatch Tower yathunyelwa kwindoda enomdla eColombia. Ngowe-1992, uncwadi lweBhayibhile olushicilelwe kwezi zakhiwo beluthunyelwa ukuze kunyanyekelwe iintswelo zabahambisi bevangeli abangaphezu kwe-184 000 eColombia, e-Ecuador, ePanama, ePeru, naseVenezuela.
[Map]
(For fully formatted text, see publication)
ICOLOMBIA
IPERU
IECUADOR
IPANAMA
IVENEZUELA
IPERU
[Picture on page 370]
Kwangowe-1924, uncwadi lweBhayibhile lwasasazwa ePeru nguMfundi weBhayibhile owayetyelele. Ibandla lokuqala apha lasekwa kwiminyaka engama-21 kamva. Ngoku ePeru kukho abavakalisi boBukumkani bukaThixo abakhutheleyo abangaphezu kwama-43 000.
[Picture on page 370]
Oovulindlela abashumayela phezulu kwiintaba zeAndes
ISURINAME
[Pictures on page 371]
Malunga nowe-1903, apha kwasekwa iqela lokuqala ngenjongo yokufundisisa. Namhlanje ezi zakhiwo zesebe ziyimfuneko ukuze kuvelelwe amabandla asasazeke kulo lonke eli lizwe—kwimimandla esadla ngendebendala, kwizithili, nasesixekweni.
IURUGUAY
[Pictures on page 372]
Ukususela ngowe-1945, abavangeli basemazweni abangaphezu kwama-80 baye banegalelo ekuvakalisweni koBukumkani eUruguay. Aba baboniswe apha bebekhonza eUruguay ukususela ngeminyaka yee-1950. Ngowe-1992, amaNgqina asekuhlaleni angaphezu kwama-8 600 ebekhonza kunye nabo.
IVENEZUELA
[Picture on page 372]
Uncwadi oluthile lweWatch Tower lwasasazwa eVenezuela phakathi kwiminyaka yee-1920. Emva kweminyaka elishumi oovulindlela ababini, umama nentombi yakhe, abavela eUnited States baqalisa ukushumayela ngenzondelelo apha, begubungela ikomkhulu ngokuphindaphindiweyo yaye ngamathub’ athile betyelela iidolophu ezikulo lonke elo lizwe. Ngoku kukho amaNgqina akhutheleyo angaphezu kwama-60 000 eVenezuela.
[Picture on page 372]
Ibala lemidlalo lomlo weenkunzi zeenkomo nabantu eValencia linabantu abangama-74 600 abeze kwindibano ekhethekileyo ngowe-1988
IYUROPHU NAMAZWE AKWIMEDITERA
IOSTRIYA
[Picture on page 373]
Kwangeminyaka yee-1890, abantu abathile eOstriya babenikwa ithuba lokungenelwa kwiindaba ezilungileyo. Ukususela ngeminyaka yee-1920, kuye kwakho ulwando oluphawulekayo kodwa oluthe ngcembe lwabadumisi bakaYehova kweli lizwe.
[Picture on page 373]
Ngamabandla angaphezu kwama-270 ahlanganisana kwiiHolo zoBukumkani kulo lonke elaseOstriya
IBELGIUM
[Pictures on page 373]
IBelgium iyindawo enabantu abaneemvelaphi ezahlukahlukeneyo. Ukuze kunyanyekelwe abantu abahlukahlukeneyo abafumaneka apha, eli sebe lisasaza uncwadi ngeelwimi ezingaphezu kwe-100.
IBRITANI
[Pictures on page 374]
Umsebenzi wamaNgqina kaYehova angaphezu kwe-125 000 eBritani uvelelwa yile ofisi yesebe. AmaNgqina aseBritani aye amkela izabelo zokusasaza isigidimi soBukumkani nakwamanye amazwe aseYurophu naseAfrika, kuMzantsi Merika, eOstreliya, kumazwe aseMpuma, nakwiziqithi zolwandle.
I-IBSA House
IWatch Tower House
[Pictures on page 374]
Uncwadi lweBhayibhile lushicilelwa apha ngesiNgesi, isiMalta, isiGujarati nesiSwahili
[Picture on page 374]
ISebe Lenkonzo linyamekela amabandla angaphezu kwe-1 300 eBritani
[Pictures on page 374]
Izixa zoncwadi zithunyelwa kuzo zonke iindawo zaseNgilani, eSkotlani, eWales, eIreland naseMalta, kwanakwiindawo eziseAfrika nakwiCaribbean
IFRANSI
[Pictures on page 375]
Ukuguqulelwa nokulungelelaniswa kwemihlathi yoko kuza kushicilelwa kwazo zonke iimpapasho zeWatch Tower zabantu abantetho isisiFrentshi ehlabathini lonke kwenziwa kwisebe eliseFransi. (Bangaphezu kwe120 000 000 abantu abathetha isiFrentshi.) Uncwadi lushicilelwa apha rhoqo ngeelwimi ezahlukahlukeneyo luze luthunyelwe kumazwe aseYurophu, eAfrika, kuMbindi Mpuma, kuLwandlekazi lweIndiya, nakuLwandlekazi lwePasifiki.
Isakhiwo sokushicilela neeofisi eLouviers
Ukuguqulela
Ukulungiselelwa kwemihlathi yoko kuza kushicilelwa
[Picture on page 375]
Iiofisi nesakhiwo sokuhlala eBoulogne-Billancourt
[Picture on page 375]
Isakhiwo sokuhlala eIncarville ekuhlala kuso intsapho yaseBheteli
IJAMANI
[Pictures on page 376, 377]
Phezu kwayo nje imigudu yenkohlakalo yokuwatshayela eJamani ebudeni bexesha lamaNazi, amaNgqina kaYehova awakhange alulahle ukholo lwawo. Ukususela ngowe-1946, achithe iiyure ezingaphezu kwezingama-646 000 000 ekusasazeni inyaniso yeBhayibhile kulo lonke eli lizwe.
Izakhiwo ezandisiweyo eSelters/Taunus
[Picture on page 376]
Ukongezelela ekuguquleleni uncwadi lweBhayibhile kwisiJamani, eli sebe eliseSelters/Taunus lishicilela ngeelwimi ezingaphezu kwama-40
[Picture on page 377]
Uncwadi oluninzi oluveliswa apha ngokuthe rhoqo luthunyelwa kumazwe angaphezu kwama-20; amaphephancwadi ashicilelwe ngeelwimi ezininzi aze athunyelwe kumazwe angaphezu kwama-30
[Picture on page 377]
Kusetyenziswa iilori zoMbutho ukuhambisa uncwadi kulo lonke elaseJamani
ICYPRUS
[Picture on page 376]
Kungekudala emva kokufa kukaYesu Kristu, iindaba ezilungileyo zazishunyayelwa kubantu baseSipro. (IZe. 4:32-37; 11:19; 13:1-12) Kumaxesha anamhlanje, loo msebenzi wokushumayela uye wavuselelwa, ibe umsebenzi wokunikela ubungqina ngokucokisekileyo usaqhutywa ngaphantsi kolwalathiso lwale ofisi yesebe.
IDENMARK
[Pictures on page 377]
Ukususela ngeminyaka yee-1890, bekunikelwa ubungqina ngokucokisekileyo eDenmark. Uncwadi lweBhayibhile belushicilelwa apha kungekuphela nje ngesiDanish kodwa kwanangesiFaeroese, isiGreenland, nesi-Iceland.
Umfanekiso othatyathwe emoyeni wesebe (isango liboniswe kumfanekiso omncinane)
I-ITALI
[Pictures on page 378, 379]
Uncwadi lweBhayibhile lwesiTaliyane luguqulelwa luze lushicilelwe apha. Eli sebe lishicilela lize lidibanise iincwadi ukuze zisetyenziswe eItali nakumazwe akufutshane.
Imifanekiso eyahlukahlukeneyo yezakhiwo zesebe kufutshane naseRome
[Picture on page 379]
Amashumi amawaka, akuba ebone oko iBhayibhile ikuthethayo ngokwenene, aye aqalisa ukuhlanganisana namaNgqina kaYehova
[Picture on page 379]
Nangona esoloko ejamelene nobutshaba beCawa yamaRoma Katolika, amaNgqina kaYehova eItali achithele iiyure ezingaphezu kwama-550 000 000 ukususela ngowe-1946 etyelela abamelwane bawo ukuze axubushe iBhayibhile kunye nabo. Ngenxa yoko, abantu abali-194 000 ngoku bangabanquli bakaYehova abakhutheleyo eItali
IFINLAND
[Picture on page 378]
Inyaniso yeBhayibhile yafika eFinland ivela eSweden ngowe-1906. Ukususela ngoko, iye yathatyathelwa kuzo zonke iimbombo zeli lizwe, ukuya kutsho nangentla kweArctic Circle. Abaninzi abasuka apha baye baya kwiSikolo saseGiliyadi ukuze baqeqeshelwe ukukhonza naphi na apho babefuneka khona kwintsimi yehlabathi. Abanye baye ngokuzithandela bahamba ukuze baye kukhonza kumazwe anemfuneko enkulu.
I-ICELAND
[Picture on page 379]
EIceland, apho kukho abemi abamalunga nama-260 000, kuye kwasasazwa uncwadi lweBhayibhile olungaphezu kwesi-1 620 000 ukuze kuncedwe abantu bakhethe ubomi. Ngoku bangaphezu kwama-260 abantu abakhonza uYehova, uThixo oyinyaniso apha.
[Picture on page 379]
UGeorg Lindal, owayenguvulindlela apha ukususela ngowe-1929 ukusa kowe-1953; ixesha elininzi ebudeni belo xesha yayinguye yedwa iNgqina kweli lizwe
IGRISI
[Picture on page 380]
Umpostile uPawulos wayengomnye wabantu bokuqala ukuvakalisa iindaba ezilungileyo eGrisi. (IZe. 16:9-14; 17:15; 18:1; 20:22) Nangona iCawa yamaGrike yobuOthodoki iye yawatshutshisa ngokukrakra amaNgqina kaYehova kangangeminyaka emininzi, ngoku kukho abakhonzi bakaYehova abathembekileyo abangaphezu kwama-24 000 kweli lizwe. Ngumgama onokuba ziikhilomitha ezingama-64 ukusuka kwisebe eliboniswe apha ukuya eAthens.
[Picture on page 380]
Ukunikela ubungqina eAthens
[Picture on page 380]
Lo mfanekiso uthatyathwe ngowe-1990 ebudeni bomngcelele owawukhokelwa ngabefundisi nxamnye namaNgqina
I-IRELAND
[Picture on page 380]
Kangangeminyaka emininzi intsabelo kwisigidimi seBhayibhile yayingengako eIreland. Kwakuhlangatyezwana nenkcaso engathethekiyo yabefundisi. Kodwa emva kweminyaka eli-100 yokuzingisa kunikelwa ubungqina, ngoku kukho isivuno sokomoya esiyintabalala.
Iofisi yesebe eDublin
[Picture on page 380]
Oovulindlela ababini abanethuba elide besenkonzweni kwinkonzo yasentsimni
IPOLAND
[Picture on page 381]
Ezi zakhiwo zisetyenziselwa ukunceda amaNgqina angaphezu kwe-100 000 ePoland. Ukususela ngowe-1939 ukusa kowe-1945, unqulo lwawo lwaluvaliwe, kodwa anda ukususela kwi-1 039 ngowe-1939 ukusa kuma-6 994 ngowe-1946. Xa avalw’ umlomo kwakhona ngowe-1950, ayeli-18 116; kodwa kungekudala emva kokuvulwa komsebenzi wawo ngowe-1989, iingxelo zibonise ukuba bekukho angaphezu kwama-91 000.
[Pictures on page 381]
Kangangeminyaka ebeqhubela iindibano ezincinane emahlathini; ngoku iindibano zawo zizalisa awona mabala emidlalo makhulu kwelo lizwe—ibe azalisa amabala aliqela sihlandlo ngasinye
EPoznan (1985)
ILUXEMBOURG
[Picture on page 382]
ILuxembourg lelinye lawona mazwe mancinane eYurophu. Kodwa kangangeminyaka emalunga nama-70, isigidimi soBukumkani besishunyayelwa nalapha. Ngokukodwa ngaphambi kweMfazwe Yehlabathi II, kwanikelwa uncedo ngamaNgqina aseFransi, eJamani, naseSwitzerland.
INETHERLANDS
[Pictures on page 382]
Ngokusuka kweli sebe lise-Emmen, kuvelelwa umsebenzi wamaNgqina anenzondelelo angaphezu kwama-32 000 eNetherlands. Zonke iimpapasho zesiDatshi ziguqulelwa kwezi zakhiwo. Kwakhona umsebenzi omkhulu wokuphinda kuveliswe ii-“video” ezisekelwe eBhayibhileni ngeelwimi zaseYurophu usingathwa apha.
INORWAY
[Pictures on page 383]
Ngaphezu kweminyaka elikhulu eyadlulayo, ummi waseNorway owayefudukele eMerika waza wafunda iinyaniso zeBhayibhile apho wabuyela kwidolophu yakhe yokuzalwa nezo ndaba zilungileyo. Ukususela ngoko, amaNgqina kaYehova aye atyelela zonke iindawo eNorway ngokuphindaphindiweyo ukuze athethe nabantu ngoBukumkani bukaThixo.
IPORTUGAL
[Picture on page 383]
Kangangamashumi eminyaka emva kokuba urhulumente etyikitye isivumelwano neVatican, amapolisa ebewabamba amaNgqina aze abagxothe kwelo abavangeli bawo basemazweni. Kodwa amaNgqina aseleyo aye aqhubeka ehlanganisana ngenjongo yonqulo, eshumayela kwabanye yaye esanda. Ekugqibeleni, ngowe-1974, amkelwa ngokusemthethweni.
Le ofisi ivelela umsebenzi wamaNgqina angaphezu kwama-40 000 ePortugal. Kwakhona iwancede kakhulu amazwe aseAfrika anamaqhina omeleleyo nelasePortugal
[Picture on page 383]
Indibano yezizwe ngezizwe eyaqhutyelwa eLisbon ngowe-1978
ISWEDEN
[Picture on page 383]
Kangangeminyaka engaphezu kwe-100, amaNgqina kaYehova ebeshumayela eSweden. Kule minyaka ilishumi idluleyo, achithele iiyure ezingama-38 000 000 kulo msebenzi. Ngoku kwinkoliso yamabandla aseSweden kuthethwa naluphi na kwiilwimi ezininzi ezithethwa apho ezingelulo ulwimi lwaseSweden.
[Picture on page 383]
Ukuze kuncedwe zonke iindidi zabantu eSweden, apha iimpapasho zifumaneka ngeelwimi ezingama-70
ISPEYIN
[Picture on page 384]
Eli sebe linyamekela amaNgqina angaphezu kwama-92 000 eSpeyin. Lishicilela “IMboniselo” no-“Vukani!” waseSpeyin nowasePortugal. Phezu kwayo nje imigudu ezingisileyo yabefundisi bamaKatolika yokusebenzisa uRhulumente ukuba anqumamise amaNgqina kaYehova, amaNgqina ebesabelana nabantu baseSpeyin ngeenyaniso zeBhayibhile ukususela ngowe-1916. Ekugqibeleni, ngowe-1970, xa amaNgqina kaYehova eSpeyin ebengaphezu kwe-11 000 amkelwa ngokusemthethweni. Ukususela ngoko, aye anda izihlandlo eziphindwe kasibhozo.
[Picture on page 384]
Ngoku ngamabandla angaphezu kwe-1 100 ahlanganisana ngokukhululekileyo kwiiHolo zoBukumkani ezifumaneka kulo lonke elo lizwe
ISWITZERLAND
[Picture on page 384]
Ukususela ngowe-1903 iWatch Tower Society ibineofisi eSwitzerland. Esinye sezakhiwo zokushicilela zoMbutho zokuqala eYurophu sasilapha. Kangangeminyaka isebe elilapha eThun beliqhubeka lishicilela amaphephancwadi athunyelwa kwamanye amazwe amaninzi.
IAFRIKA
IBENIN
[Picture on page 385]
EBenin kukho izizwana ezingama-60 ezithetha iilwimi ezingama-50. Xa amawaka aba bantu bawaqhawula amakhonkco neenkonzo zabo zangaphambili, oku kwawacaphukisa amagqirha kwangokunjalo nabefundisi beNgqobhoko. Kodwa intshutshiso ezingisileyo ayizange ikunqumamise ukwanda konqulo oluyinyaniso kweli lizwe.
[Picture on page 385]
Indibano eyaqhutywa ngowe-1990
ICENTRAL AFRICAN REPUBLIC
[Picture on page 385]
Kwangowe-1947, isigidimi soBukumkani saqalisa ukufikelela kubantu balapha. Indoda eyayikho kwezinye zeentlanganiso zamaNgqina kwenye indawo yabelana nabanye ngoko yayikufundile. Ngokukhawuleza kwabakho iqela elifundisisayo, abo babebakho ngokukhawuleza baqalisa ukunikela ubungqina, ibe abo babenqula uYehova banda.
ICÔTE D’IVOIRE
[Pictures on page 386]
Abavangeli basemazweni abaqeqeshwe eGiliyadi baba luncedo ekuqaliseni unqulo lokwenyaniso kweli lizwe likwiNtshona Afrika ngowe-1949. Bangaphezu kwekhulu abavangeli basemazweni abanjalo abaye bakhonza apha. Nyaka ngamnye, kuchithelwa iiyure ezingaphezu kwesigidi kwiphulo lokufuna abantu abalambele inyaniso kummandla onyanyekelwa yile ofisi yesebe.
IGHANA
[Picture on page 386, 387]
Umsebenzi wokushunyayelwa kweendaba ezilungileyo eGhana waqalisa ngowe-1924. Ngoku le ofisi eseAccra ivelela amabandla angaphezu kwangama-640 eGhana. Iye yanyamekela umsebenzi wokuguqulelwa nowokushicilelwa koncwadi lweBhayibhile ngolwimi lwesiEwe, isiGa nesiTwi.
[Picture on page 387]
Intlanganiso kwiHolo yoBukumkani edibene kwiofisi yesebe
IKENYA
[Map/Picture on page 387]
Ngowe-1931, amaNgqina kaYehova amabini asuka eMzantsi Afrika eza kushumayela eKenya. Ukususela ngowe-1963, iofisi yoMbutho eKenya iye, ngamathuba ahlukahlukeneyo, yavelela umsebenzi wokuhanjiswa kwevangeli kwamanye amazwe amaninzi aseMpuma Afrika (njengokuba eboniswe ngezantsi). Iindibano zezizwe ngezizwe ezaqhutywa eKenya ngowe-1973, 1978 nangowe-1985 ziye zanegalelo kubungqina obuye banikelwa.
[Map]
(For fully formatted text, see publication)
IKENYA
IUGANDA
ISUDAN
IETHIOPIA
IDJIBOUTI
ISOMALIA
IYEMEN
ISEYCHELLES
ITANZANIA
IBURUNDI
IRWANDA
[Pictures on page 387]
Indibano yaseNairobi (1978)
INIGERIA
[Pictures on page 388]
Iindaba ezilungileyo bezishunyayelwa kweli lizwe ukususela ekuqaleni kweminyaka yee-1920. Kwakhona abahambisi bevangeli baye bathunyelwa kweminye imimandla yeNtshona Afrika besuka eNigeria, ibe uncwadi lweBhayibhile olushicilelwa apha luyaqhubeka lusanelisa iintswelo zamazwe angabamelwane. ENigeria kuphela, amaNgqina kaYehova aye afumbathisa abantu iincwadi ezingaphezu kwezingama-28 000 000 ukuze zibancede bakwazi ukuliqonda iLizwi likaThixo.
[Picture on page 388]
Ngokusuka kwiSebe Lenkonzo, kunyanyekelwa abavakalisi boBukumkani abangaphezulu kuhle kwi-160 000 eNigeria
[Picture on page 389]
Indibano eyayiseCalabar, eNigeria (1990)
ILIBERIA
[Picture on page 388]
Abo baye baba ngamaNgqina kaYehova apha baye bajamelana neemvavanyo eziliqela kukholo lwabo—xa besahlukana neenkolo zasekuhlaleni, xa besahlukana nesithembu, xa betshutshiswa ngabasemagunyeni ngenxa yokuba kuye kwathethwa kakubi ngabo, naxa bengqongwe ngamaqela ezobupolitika nawobuhlanga alwayo. Sekunjalo, unqulo lokwenyaniso luyaqhubeka lumanyanisa abantu beendidi zonke kweli lizwe.
IMAURITIUS
[Pictures on page 389]
Kwangowe-1933, amaNgqina anenzondelelo asuka eMzantsi Afrika atyelela esi siqithi sikuLwandlekazi lweIndiya. Ngoku kukho amaNgqina angaphezu kwewaka eMauritius abongoza abamelwane bawo ukuba bafune uYehova ukuze akwazi ukuba nemfesane kubo xa etshabalalisa le nkqubo ikhoyo yezinto.—Zef. 2:3.
UMZANTSI AFRIKA
[Picture on page 390, 391]
Sekudlule iminyaka engaphezu kwama-80, iWatch Tower Society ineofisi yesebe eMzantsi Afrika. Abahambisi bevangeli abasuka apha benze lukhulu ekusasazeni isigidimi soBukumkani kwamanye amazwe akumazantsi nakwimpuma Afrika. Kummandla wentsimi owawusakuba ngaphantsi kweli sebe (apho kwakukho abavakalisi boBukumkani abali-14 674 ngowe-1945), ngoku kukho amaNgqina kaYehova akhutheleyo angaphezu kwama-300 000.
[Pictures on page 391]
Abaguquleli abangaphezu kwe-110 basebenza ngaphantsi kolwalathiso lweli sebe ukuze balungiselele uncwadi lweBhayibhile ngeelwimi zaseAfrika ezili-16
[Picture on page 391]
Apha uncwadi lushicilelwa ngeelwimi ezingaphezu kwezingama-40
ISENEGAL
[Pictures on page 390]
Nangona amaNgqina embalwa apha, iofisi yesebe iye yazabalazela ukuqinisekisa ukuba kwisixeko ngasinye, kwisizwana ngasinye, nakunqulo ngalunye, kungekuphela nje eSenegal kodwa nakumazwe angabamelwane, abantu bayalifumana ithuba lokuva isigidimi esikhuthazayo seBhayibhile.
ISIERRA LEONE
[Picture on page 391]
Umsebenzi wokushunyayelwa kweendaba ezilungileyo eSierra Leone waqalisa ngowe-1915. Ngamathuba athile ulwando belucotha. Kodwa xa abo babengabambelelanga kwimilinganiselo kaYehova ephakamileyo basuswayo baza abo babengamkhonzi ngentsusasenzo efanelekileyo barhoxa, abanyanisekileyo kuYehova benza inkqubela ngokomoya.
IZAMBIA
[Picture on page 392]
Le ofisi yesebe ivelela umsebenzi wamaNgqina angaphezu kwe-110 000 akumazantsi ombindi weAfrika. Iofisi yokuqala yoMbutho apha yasekwa ngowe-1936. Ukususela ngoko, amaNgqina kaYehova eZambia aye enza amatyelelo okubuyela angaphezu kwe-186 000 000 ukuze anikele uncedo olongezelelekileyo kubantu abanomdla. Kwakhona afundise abaninzi ukufunda ukuze bakwazi ukuzenzela ufundisiso lweBhayibhile ngokwabo baze babelane ngayo nabanye.
[Picture on page 392]
Kungcelele lweendibano oluqhutywe eZambia ngowe-1992 bekukho abantu abangama-289 643
IZIMBABWE
[Pictures on page 392]
AmaNgqina kaYehova ebesebenza ngenkuthalo eZimbabwe ukususela ngeminyaka yee-1920. Ebudeni beminyaka eyalandelayo, ajamelana nokuvalwa koncwadi lwawo, ukungavunyelwa ukuba aqhube iindibano, nokunganikelwa kwabavangeli basemazweni imvume yokushumayela kubantu abaNtsundu. Le miqobo yoyiswa ngokuthe ngcembe, ibe ngoku le ofisi inyamekela amaNgqina angaphezu kwama-20 000.
AMAZWE ASEMPUMA
IHONG KONG
[Pictures on page 393]
Apha iimpapasho zeWatch Tower ziguqulelwa kwisiTshayina, lwimi olo oluthethwa ngabantu abangaphezu kwewaka lezigidi nangona luneelwimi ezininzi zezizwana. EHong Kong, umsebenzi wokushunyayelwa kweendaba ezilungileyo waqalisa xa uC. T. Russell wanikela intetho kwiholo yesixeko ngowe-1912.
I-INDIYA
[Picture on page 393]
Eli sebe livelela umsebenzi wokuvakaliswa kwesigidimi soBukumkani kubantu abangaphezu kwesahlulo sesithandathu sabemi bomhlaba. Ngoku, le ofisi ivelela umsebenzi wokuguqulela ngeelwimi ezili-18 nowokushicilela ngezili-19. Phakathi kwezi singabala isiHindi (esithethwa ngabantu abazizigidi ezingama-367) kwanesiAssamese, isiBengali, isiGujarati, isiKannada, isiMalayalam, isiMarathi, isiNepali, isiOriya, isiPunjabi, isiTamil, isiTelugu, nesiUrdu (nganye kuzo ethethwa ngamashumi ezigidi).
[Pictures on page 393]
AmaNgqina ashumayela eMalayalam
. . . eNepali
. . . eGujarati
IJAPAN
[Pictures on page 394]
AmaNgqina kaYehova eJapan, njengakwezinye iindawo, angabavakalisi boBukumkani bukaThixo abanenzondelelo. Ngowe-1992 kuphela, achithe iiyure ezingaphezu kwama-85 000 000 eshumayela iindaba ezilungileyo. Ngokwesilinganiso, ngamaNgqina aseJapan amalunga nama-45 ekhulwini aba nesabelo kwinkonzo yobuvulindlela nyanga nganye.
[Picture on page 394]
Uncwadi lweBhayibhile lupapashwa apha ngeelwimi ezininzi, kuquka isiJapan, isiTshayina neelwimi ezithethwa kwiiPhilippines
[Picture on page 394]
IOfisi yobuNjineli yeNqila incedisa kumsebenzi wezakhiwo zamasebe kumazwe awahlukahlukeneyo
[Graph on page 394]
(For fully formatted text, see publication)
Oovulindlela EJapan
75 000
50 000
25 000
1975 1980 1985 1992
IRIPHABLIKI YASEKOREA
[Pictures on page 395]
Luncwadi lweBhayibhile olungaphezu kwezigidi ezili-16, ukongezelela kumaphecana, oluveliswa ngonyaka apha ukuze kuxhaswe amaNgqina angaphezu kwama-70 000 akwiRiphabliki yaseKorea. Malunga namaNgqina angama-40 ekhulwini eKorea akwinkonzo yobuvulindlela.
IMYANMAR
[Pictures on page 395]
Xa iWatch Tower Society yaseka iofisi yasebe apha ngowe-1947, kwakukho amaNgqina kaYehova angama-24 kuphela kweli lizwe. AmaNgqina angaphezu kwama-2 000 akhoyo ngoku eMyanmar azabalazela ukufikelela kungekuphela nje abemi bezixeko kodwa nabaninzi ngakumbi abahlala emaphandleni.
IIPHILIPPINES
[Picture on page 396]
Ngowe-1912, uC. T. Russell wanikela intetho kwiGrand Opera House yaseManila ngomxholo othi “Baphi Na Abafileyo?” Ukususela ngelo xesha amaNgqina kaYehova aye achitha iiyure ezingaphezu kwama-483 000 000 enikela ubungqina kubantu abafumaneka kwiziqithi ezimalunga nama-900 ezinabemi kwiiPhilippines. AmaNgqina angaphezu kwe-110 000 akumabandla angaphezu kwangama-3 200 ngokuyintloko avelelwa kweli sebe. Apha kushicilelwa uncwadi ngeelwimi ezisibhozo ukuze kwaneliswe iintswelo zasekuhlaleni.
[Pictures on page 396]
AmaNgqina athetha ezinye zeelwimi eziphambili ezithethwa kwiiPhilippines
ISRI LANKA
[Pictures on page 397]
Ngaphambi kweMfazwe Yehlabathi I, iindaba ezilungileyo zazishunyayelwa eCeylon (ngoku eyiSri Lanka), ngezantsi kweIndiya. Ngokukhawuleza kwalungelelaniswa iqela ngenjongo yokufundisisa. Ukususela ngowe-1953 uMbutho ubuneofisi yesebe kwisixeko esilikomkhulu, ukuze abantu abantetho isisiSinhalese, nesiTamil, nabezinye izizwana kweli lizwe bafumane ithuba lokuva ngesigidimi soBukumkani.
ITAIWAN
[Picture on page 397]
Ubungqina banikelwa apha ngeminyaka yee-1920. Kodwa baqalisa ukunikelwa ngokuthe rhoqo ngeminyaka yee-1950. Ngoku kwakhiwa ezi zakhiwo zitsha zesebe ukuze kubekho iziko lokwenza umsebenzi owandisiweyo kulo mmandla womhlaba.
[Picture on page 397]
Ibandla eliseTaipei
ITHAILAND
[Picture on page 397]
Ebudeni beminyaka yee-1930, kwafika amaNgqina angoovulindlela avela eBritani, eJamani, eOstreliya, naseNew Zealand ezokwabelana nabantu baseThailand (ngoko eyayisaziwa ngokuba yiSiam) ngenyaniso yeBhayibhile. Kwakukho iindwendwe ezivela kumazwe amaninzi kwiindibano zezizwe ngezizwe apha ngowe-1963, 1978, 1985, nowe-1991 ukuze zikhuthaze amaNgqina asekuhlaleni nokuze zifake ifuthe kumsebenzi wokusasazwa kwesigidimi soBukumkani.
[Picture on page 397]
Indibano yowe-1963
[Picture on page 397]
Iindwendwe ezivela kwamanye amazwe ngowe-1991
IZIQITHI ZEPASIFIKI
IFIJI
[Picture on page 398]
Iofisi eseFiji yasekwa ngowe-1958. Okwethuba elithile yayivelela umsebenzi wokuvakaliswa koBukumkani kumazwe ali-12 ngeelwimi ezili-13. Ngoku isebe laseFiji lalathisela ingqalelo yalo kwiziqithi ezimalunga nekhulu ezinabemi zaseFiji.
[Picture on page 398]
Iindibano zezizwe ngezizwe apha ngowe-1963, 1969, 1973, nowe-1978 zanceda ekumanyaniseni amaNgqina asekuhlaleni nawamanye amazwe
IGUAM
[Picture on page 398]
Iofisi eseGuam yalathisa umsebenzi wokushunyayelwa kweendaba ezilungileyo kwiziqithi ezisasazeke kummandla omalunga nezikwekhilomitha ezizizi-7 770 000 kuLwandlekazi lwePasifiki. Ukuguqulelwa koncwadi lweBhayibhile ngeelwimi ezisithoba kuvelelwa yiyo.
[Picture on page 398]
Ngokufuthi umveleli wesiphaluka uhamba ngenqwelo-moya phakathi kweziqithi
[Picture on page 398]
AmaNgqina asekuhlaleni (njengala aboniswe apha eMicronesia) asenokusebenzisa amaphenyane ukuze afike kwintsimi yawo
IHAWAII
[Picture on page 399]
IWatch Tower Society ibineofisi yesebe eHonolulu ukususela ngowe-1934. Abanye abasuka eHawaii baye banesabelo kumsebenzi wokuhambisa ivangeli kungekuphela nje kwiziqithi zaseHawaii kodwa naseJapan, eTaiwan, eGuam, nakwiziqithi zaseMicronesia.
INEW CALEDONIA
[Picture on page 399]
Phezu kwayo nje inkcaso yabachasi bonqulo, amaNgqina kaYehova ezisa isigidimi soBukumkani bukaThixo eNew Caledonia. Abantu abaninzi baphulaphula ngoxabiso. Ngowe-1956 kwasekwa ibandla lokuqala. Ngoku kukho abadumisi bakaYehova abangaphezu kwe-1 300 apha.
INEW ZEALAND
[Picture on page 399]
Ngowe-1947 iWatch Tower Society yaseka iofisi yesebe eNew Zealand ukuze ikwazi ukuwuvelela ngokusondeleyo umsebenzi wokushunyayelwa kweendaba ezilungileyo apha.
[Picture on page 399]
Umsebenzi wokuguqulela owenziwa kweli sebe wenza ukuba abemi baseSamoa, eRarotonga, naseNiue bakwazi ukwakhiwa rhoqo ngokomoya.
[Picture on page 399]
Abaguquleli nabo bahlola iimpazamo koko kuguqulelweyo (“proofreader”) bayasebenzisana ukuze kuveliswe iimpapasho ezikumgangatho ophezulu
IOSTRELIYA
[Pictures on page 400]
IWatch Tower Society ibineofisi yesebe eOstreliya ukususela ngowe-1904. Ngaphambili eli sebe lalivelela umsebenzi wokuvakalisa uBukumkani kummandla ogubungela phantse ikota yomhlaba, kuquka iTshayina, uMzantsi-mpuma Asia, neziqithi zoMzantsi Pasifiki.
[Picture on page 400]
IOfisi yobuNjineli yeNqila inceda ekwakhiweni kwamasebe kuMzantsi Pasifiki nakuMzantsimpuma Asia
[Picture on page 400]
Ngoku, eli sebe lishicilela uncwadi lweBhayibhile ngeelwimi ezingama-25. Isakhiwo sokushicilela apha sixhasa ngoncwadi amaNgqina angama78 000 akwimimandla evelelwa ngamasebe asibhozo kuMzantsi Pasifiki.
[Map/Picture on page 400]
Amazwe axhaswa lisebe laseOstreliya ngoncwadi
[Map]
(For fully formatted text, see publiication)
IOSTRELIYA
IPAPUA NEW GUINEA
INEW CALEDONIA
IISOLOMON ISLANDS
IFIJI
INTSHONA SAMOA
ITAHITI
INEW ZEALAND
IPAPUA NEW GUINEA
[Pictures on page 400]
AmaNgqina kaYehova ajamelene nocelomngeni olukhethekileyo kweli lizwe—abantu bathetha iilwimi ezingama-700 ezahlukahlukeneyo. AmaNgqina asuka ubuncinane kwamanye amazwe alishumi aye eza apha ukuze abe nesabelo kulo msebenzi. Aye azibhokoxa ekufundeni iilwimi zasekuhlaleni. Abantu abanomdla batolikela abo bangakwaziyo ukuthetha olunye ulwimi. Kwakhona imifanekiso isetyenziswa ngokunempumelelo njengoncedo lokufundisa.
IISOLOMON ISLANDS
[Pictures on page 401]
Isifundo seBhayibhile esasiqhutywa ngumntu okwelinye ilizwe ngembalelwano sezisa isigidimi soBukumkani kwiiSolomon Islands ekuqaleni kweminyaka yee-1950. Phezu kwayo nje imiqobo enzima, inyaniso yeBhayibhile yasasazeka. Ngenxa yobugcisa basekuhlaleni, ukusebenzisana kwabazalwana abakwamanye amazwe, nomoya kaYehova oyintabalala, kwakhiwa le ofisi yesebe nale Holo yeNdibano iphangaleleyo.
ITAHITI
[Pictures on page 401]
Ekuqaleni kweminyaka yee-1930, amaNgqina kaYehova ayefikelele eTahiti ngesigidimi soBukumkani. Apha, phakathi kuLwandlekazi lwePasifiki, kunikelwa ubungqina ngokucokisekileyo. Ebudeni bale minyaka emine edluleyo nje kuphela, ubungqina obunikelweyo bunokufikelela, ngokwesilinganiso, nokuthetha ixesha elingaphezu kweeyure ezintlanu nendoda, nomfazi, nomntwana ngamnye okwesi siqithi.
INTSHONA SAMOA
[Picture on page 401]
INtshona Samoa lelinye lawona mazwe mancinane ehlabathini, kodwa amaNgqina kaYehova aneofisi yesebe nalapha. Esi sakhiwo besisakhiwa ngowe-1992 ukuze sinyamekele umsebenzi kwezi nezinye iziqithi ezikufutshane, kuquka iAmerican Samoa.